智取大市：半新股短線炒得過 - 晉佳
■盧閏霆(左)任主席的金邦達寶嘉將受惠內地換卡潮。 資料圖片
港股波幅收窄成交縮，好多炒友認為象徵住年尾基金收爐，要等出年開工先再炒過，晉佳就認為，大市只係順勢?一?，或許要驚定美國聯儲局下星期三議息，指數難免會有波動，但估計係「有波幅、冇跌幅」，未來一個星期恒指chok chok?之後，唔使等到1月，好快就會變番炒友天堂。
個別濠賭股噚日腳軟，但以金沙(1928)、銀娛(027)之前杯柄形態睇，中線升勢應該未完，金沙個勢應該唔見70元唔肯罷休，不過，退市陰霾當前，唔排除會整固嚇，完成整固又可以買。
至於細隻?批例如Dynam Japan(6889)，近期更加係升到唔識回，真係不能睇小佢?，雖然已經升得多，但未來一兩個星期都可能有投機性買入?機會。
除?濠賭股、科網股之外，近期亦可以?半新股當中搵食，隻博雅(434)唔覺唔覺噚日升?8%破頂，晉佳就反而比較留意另一隻半新股金邦達寶嘉(3315)，個名真係好難讀。呢間公司個名2006年由Great Steps Limited 變更為 Gemplus Goldpac Group Limited，今年上市前就改?𠵱家個名，英文譯音又唔似得哂。
言歸正傳，據招股文件所講，金邦達寶嘉係做金融卡業務，應該同上海復旦(8102)屬於同一概念，只不過上海復旦做卡?IC，而金邦達寶嘉係做張卡出?，後者算係下遊工序。
金邦達受惠內地換卡潮
論概念，自然係受惠未來兩年內地金融卡換卡潮。人行講到明，2015年將全面發行金融IC卡，取代現有磁帶卡，預計出年先至係金融卡換卡?高𥧌期，理論上會係金邦達寶嘉生意最爆發?時間。如果𠵱家上市，就可以當係增長股去估值。結果，金邦達寶嘉就可以用年度化2013年市盈率20倍左右上市，𠵱家就炒到28倍左右。
金邦達今年上半年純利增長88%至8,113萬元人民幣，出年換卡潮相信更大規模增長，收入同盈利應該??聲。以上半年收入增長超過九成計算，你當佢經營槓桿大約一倍，即係收入升幾多，盈利升幾多。估計明年收入盈利增幅唔會差過今年幾多。
論牌面，呢隻股盈利可測性，暫時睇到一兩年光景，長遠係龍係蟲仍有待考驗。不過，短期內似乎有變成增長股?野心，28倍市盈率仲炒緊上去真係咪講笑，如果能夠以近期增長股?市盈增長率可以炒到一倍樓上咁睇，金邦達要升一至兩成難度唔太高，更重要係半新股低調上市，貨源歸邊，更易炒上。
講番隻上海復旦，之前公佈?第三季盈利倒退18%至3,293萬元人民幣，相當肉酸，股價單日曾經急插15%，不過股價慢慢又升番去業績前水平，估計市場繼續憧憬金融卡換卡潮令收入膨脹，業績插完又靜雞雞反彈實在太難玩，短線就寧願小注金邦達寶嘉仲好。
晉佳
本欄逢周三刊登
杜琪峰&鄭秀文齊齊《亂?24》同3個大帝吹吹水!
周一至周五《亂?24》約定你：http://bit.ly/appletalk24
上一則: 中環迷你裙：光宇有條件翻兜 - Samantha
下一則: 魚樂無窮：買英皇證券博升29% - 唐牛
智取大市 - 晉佳 舊文