陸羽仁 BLOG 2014年4月1日
講到麻木
2014/4/1 上午 09:35:19
網誌分類: 經濟
聯儲局主席耶倫又來救市，仲要係第一季最後一日出招，唔知係唔係送個禮俾基金巨頭。
耶倫早前話過今年結朿量寛後，最快6個月在明年初加息。佢昨日表示，美國仍有大量失業工人，且工資增長乏力、就業參與率下降、失業期延長，美國就業市場仍「顯著疲軟」，經濟和就業市場仍存在「相當多」的閒置產能和閒置勞動力，故此聯儲局史無前例的寬鬆政策，仍需維持一段時間。更具刺激性的消息係，她澄清此前提過的結朿量寛後六個月加息，是聯儲局需要等待的最短時間，而唔係準確的加息時機。
耶倫的講話，緩解了市場對於美國提早加息的困惑，投資者不再擔心聯儲局提早收緊寬鬆政策，市場的緊張情緒得到緩解。
傑富瑞分析師Zervos認為，耶倫的講話讓外界對耶倫是何立場的爭議畫上句號。佢話耶倫「太鴿派啦，這可能係聯儲局官員最鴿派的講話之一。」
大家唔好以為耶倫早前講錯嘢，而家要澄清，佢係用緊典型的期望管理手法。若有一個壞消息公布，先用一個含糊方式講出較壞的版本，讓外界先嘗苦果，如市場反應太大，可以馬上澄清，「我其實唔係咁意思」。若市場反應OK(如目前那樣)，可以較後才調節，將較壞版本修正到一個正常啲的版本，咁大家就會習慣曬那個壞消息，直頭當無事發生。
如果我估計係啱，耶倫咁講唔等如明年唔加息，加息期係明年初至明年中，可能一起步就加0.5厘，何時鬱手要睇數據而定。往後聯儲局的會議會反覆講加息這個議題，車前退後，直至大家對「加息」兩個字麻木曬為止。
耶倫咁大枝強心針打落股市，股票無反應至奇啦。投資者將搬去債市的避險資金轉去股市，令到美國10年期債息抽高至2.7厘上方，最高升至2.768厘，最新報2.72厘。
此前跌得最多嘅生化股，反彈勢頭亦係最勁。安碩杜瓊斯生化科技股基金指數昨日勁彈超過3%，全個月的跌幅收窄至10%。市場投資氣氛轉趨樂觀，股票恐懼指標VIX指數回落4%至14點下方。近期跌得好甘的生化股及小型股大幅反彈。帶動美股第二日向上。杜指漲135點至 16458點，標普500指數升15點，收1872點；納指升43點，造4199。總結今年首季，標普500指數有1.3%進賬，係連續第五季上升。納指近期雖然大幅下跌，但仍錄得0.5%升幅，最差係杜指，跌0.7%。
回應(10) 我想回應
陸羽仁 BLOG 舊文