異動空間：大近視最易中伏
個市升一棍橫行，跌一棍又橫行，完全無路捉，為免再輸冤枉錢，持貨策略要變得大膽：第一棍跌穿支持位或上升軌，毋須止蝕，坐遠一點，因近排見證過太多假跌，億和(838)又是一例，周三大棍隊穿上升軌，翌日升番凸，如果沿用一貫策略，幅圖唔對路就斬，多多錢都唔夠輸。如抵受唔住壓力，最多略為減持，以注碼控制風險即可，坐到股份形成跌浪，例如連續三日上唔番支持線先沽。無疑每一鋪會輸得比較甘，但起碼證明自己真係睇錯，而非被莊家愚弄致死，當交學費之餘亦輸得心甘命抵。
殼股炒到離曬譜，早排推介的建福(464)整固已見完成，近日緩緩再展升浪，趁低買少少，只要殼股繼續炒，建福應可受惠。另佳訊(030)玩完一輪，昨午終於停牌，出通告後再向各位分析。殼股仲有永利控股(876)，去年分拆完地產業務後賣埋殼，上月要約結束後升勢持續，目前市值僅5.7億元，可謂大把世界，破頂指日可待。
由9月起，在大陸買電動車可獲免稅，業務持續復蘇的電池股光宇國際(1043)睇高一線。上月底折讓一成批股後大爆發，昨突破旗形而上，短期有望突破3月高位7.9元，中線目標9元。
魏力
http://www.facebook.com/2012jason
魏力
異動空間 - 魏力 舊文