財經評論：樓價跌都上唔到車
■2003年天水圍嘉湖山莊二手呎價一度被看淡至有機會平過深圳樓。 資料圖片
美國又一次暫緩加息，今次未見樓市好友大聲疾呼，反而是淡友繼續堅持樓市必死的聲音更響亮，情況多少有點弔詭，可能樓價真的太高、太離地，市區上車盤閒閒地四五百萬，連天水圍都要三百幾萬，買不起樓的人
始終佔大多數，遇上樓市主流意見偏向看淡的一刻，當然是「踩多幾腳冇執輸」。
一旦失控 難抵衝擊
即使樓價真的下滑了，甚至如一些恐慌製造者所謂大跌三五七成，「買唔到樓」的問題只會繼續存在。
大家都明白樓市悲劇性下陷，經濟一定不會好景，連份工都未必保得住，何來精神力氣去想買樓？各行各業都面對困境，裁員結業的新聞充斥市場，樓價再低亦非大部份人的入市時機。
2003年整體樓價跌至九七回歸後的谷底水平，當年開售的薄扶林貝沙灣及尖沙嘴擎天半島，建築呎價僅4,000餘元起，西半山嘉兆臺千呎單位二手價僅四百萬元，但仍不乏「都係太貴」的聲音。當年天水圍嘉湖山莊二手呎價更加一度被看淡至有機會平過深圳樓的水平。
「人人期望可買樓」只會是樓價越升越有的時刻出現，這個亦是支持樓價高不可攀的信心因素。反之，樓價越跌越不會買，除了「再跌多啲先」、「遲買更平」的一廂情願心態，還有可能備受經濟不景氣影響的無奈一族，畢竟，面對劇變後仍然能夠獨善其身保持經濟實力，在社會上只佔極小數。
樓市升跌是一個永遠談不完的話題，在樓價處於歷史高位的一刻，不論是談升講跌都一定引發議論。網上吹水打幾十隻字話咁易，但問心一句，一旦樓價失控，不論是上升或下滑，大家又能否承受得起衝擊？
記者：伍志輝
財經評論 舊文