異動空間：勇闖天價獨市股
呢個大牛市，「互聯網+」概念股勢必喪炒，因互聯網嘅嘢，冇人估到潛力有幾大，即係有無限憧憬，估值亦可炒至天價。本月初綠地香港（337）夥拍阿里旗下螞蟻金服，以及平保（2318）旗下陸金所，推出第一隻互聯網金融產品地產寶，能集互聯網、地產、金融於一身，港股暫時止
此一隻，你話可以炒到幾癲？
地產寶是甚麼？好簡單，房產商要資金開發，投資者想搵理財產品賺取回報，地產寶就是一個網上平台，將房產商項目包裝成投資產品，將打散賣畀投資者。這個產品有助解決中小房企的資金壓力，國策勢將大力扶持，綠地成為中國最大房地產金融投資平台，指日可待！集團預期在2020年前，金融投資產業可年賺百億元，而綠地香港目前市值也只是100億元。
向互聯網金融轉型之餘，綠地香港易主一年後業績重拾升軌，剛公佈首三個月合約銷售按年爆升1.3倍至28.3億元（人民幣．下同）。去年純利1.1億元大升兩倍，配合地產寶難以想像的增長空間，可說集齊所有大炒元素。圖表破頂再破頂，真係手快有手慢冇！目標先睇10蚊。
魏力
http://www.facebook.com/2012jason
魏力
異動空間 - 魏力 舊文