國企指數
恒 指波幅指數近20日

VIX指數 近5日

上証綜指
深圳成指
滬深300

2017年9月4日 星期一

大茶飯 - 青冰 2017年9月4日

大茶飯 - 青冰 2017年9月4日

【大茶飯】沒有維港的電動車(青冰)

講起維港投資(Horizons Ventures),大家自然會諗起誠哥,亦當然會知道係由紅顏知己周凱旋打理,呢間誠哥私人持有的創投公司,於2006年成立,由官方網頁得知,已經投資咗81間企業,各式各樣行業都有,但都係圍繞創新科技為主,而當中唔少都係對人類及

地球有裨益的產品。

上過報紙的人造蛋就其一,而今年登陸本港的未來漢堡,在美國非常成功,有茹素的朋友吃過後,竟話唔敢再食,因為實在太像真漢堡了,搞到青冰都想下星期去試下。唔好睇小呢個漢堡呀,微軟創辦人蓋茨都有份投資,話唔定日後仲可以上市添。

奧立仕(0860)在7月公佈,以約9億元收購日本電動車公司GLM,呢間公司曾被外界稱為日本Tesla,而當中5.5億元將會以新股支付,接貨者當中有周凱旋、TCL實業及市傳係誠哥揸住嘅離岸公司Ocean Dynasty。單新聞刺激股價由1蚊升到上1.61,近期稍為回落,這或許和兩度延遲寄出收購通函有關,最新的deadline將會由上星期四延至9月8日,即係本周五。

電動車大阿哥Tesla都尚且蝕緊錢,咁GLM又憑咩可以突圍呢?佢地公司主打係超跑,戰友可以google一下GLM-G4及GLM-ZZ,望下個樣,可能就有更多的信心。GLM的創始人,係一班豐田、日產及三菱工程師,所以技術層面上,是不容置疑,但營運上的確比較曳,又冇自己的工廠,人脈又少,想發大黎搞,最後只有引資入股,按佢地財務總監在去年底所說,現時股東有中東主權基金、亞洲家族基金及機構投資者,咁被奧立仕收購之後,對號入座,好自然就估到誰是家族基金。

如果TCL主席李東生幫下手,GLM應可在內地設廠並將跑車量產,相信以G4及ZZ兩款車個外型黎講,其他只識抄外國的本地電動車,應該可以收檔。有樣野青冰都覺得奇怪,較少見周小姐以私人名義入股其他公司,唔係首次,都一定係頭幾次,所以值得尊重,至於Ocean Dynasty,你懂的。

P.S.講起誠哥,提番戰友和電(0215)賣固網,今星期四特別股東大會投票,單刁每股3蚊樓上的現金,現價2.87,完。

Fb個人專頁http://www.fb.com/chingbing888
大茶飯 - 青冰 舊文