魚樂無窮：彤叔環保旗艦終誕生
綜合環保(923)公佈供股結果，一石激起千重浪，單日炒高22%，升破近期主要阻力位，慢慢嗒真份通告，就知道有好?。公司7月宣佈一供一集資4.8億元，每股發售價0.2元，周二公佈僅獲46.7%認購，餘下53.3%股份，將由包銷商周大福代理人包銷。完成供股後周大福於綜合環保?股權，將由20.27%增至46.93%，躍升為大股東，原來大股東梁契權，持股將攤薄至16.28%。
成功奪綜合環保控權
前身為福和?綜合環保，主打廢紙回收及再造紙業務，周大福早於2010年入股，但公司2011年遭揭發億元資金離奇失蹤，梁契權隨即被踢走，由彤叔孫兒鄭志明?旗兼收拾殘局，經過連年撇賬數以十億元計後，公司今年初終於復牌，但股價已大傷元氣，周大福當時入股成本價高達2.4元，現價較當時潛水超過八成。
既然係咁，點解仲花咁多心機栽培綜合環保？綜觀彤叔旗下業務瓣數多，原來獨欠環保業務，相信就係綜合環保得到周大福歡心?原因，而鄭志明?新世界任職時，已經有搞環保經驗，一切亦變得理所當然。
綜合環保最新市值廿億銀唔夠，未及周大福珠寶(1929)及新世界(017)?1,044億及826億銀?零頭，可塑性大，極有可能成為環保業務旗艦。以彤叔家族?人脈，要大搞環保業務絕對唔難，一切應該係等大權在握?今天。供股集資連手頭現金超過7億銀，淨係咁多年?心機，都值得大家落注支持！
唐牛
https://www.facebook.com/tongcow88
唐牛
魚樂無窮 - 唐牛 舊文
