水能覆舟 - 渾水 2018年4月28日
【水能覆舟】專業人士也想做賊（渾水）
【水能覆舟】專業人士也想做賊（渾水）更多
前輩打電話來：「講一單好笑事給你聽，我有一個朋友，在投行做了幾年頭兒，現在想跳糟，跟金融賊或老千搵食。」
解釋一下笑點，笑點在於：金融界道貌岸然的專業人士，都有良禽擇木的心。不論做正路大行或是做細行，最重要都係賺錢至上。
我心想：「做咪做，從來不阻人發達。做多幾年，學到的東西更多，說不定已經可以自立門戶」也坦白講，所謂做賊，不一定代表跟壞老闆去做壞事，也可以是幫壞人做正經事。因為大老闆公司可以有很多部分和架構，可能要做上市公司、Family office、證券、信托、基金等。一些基本operation點都要有專業人士睇住，就係咁解。
做大行的確有光環，光環是有溢價。例如，在老蘭媾女，同齡的投資銀行家比我有更大優勢去pick up girls，雖然我賺錢能力、職業地位、名望、技能遠勝於佢地，不過大行個名就係夠直接。這是不直接的大行光環，未必同錢有關，但起碼建立關係有優勢。
做大行都有「壓價」問題，例如大行請畢業生會比市價偏低，因為大行知道自己個品牌值錢，然後員工跳糟可以因為大行的牌頭和過往經驗而開高一點價。很多大老闆都喜歡炫耀，如果周圍同人講乜乜大行的人都係幫我打工之類的說話，都係有一點價值。
專業人士都知道要出去闖先可以賺大錢，不過大行做得耐，耐力和能力和「啞」掉，反而未必跟得上真正的市場運作，畢竟大行的運作是做機械的齒輪，不像出面要落手落腳真做，所以名過其實的大行高管，時常都有。
水能覆舟 - 渾水 舊文
來源 source: http://hk.finance.yahoo.com
