Can Bank - 散子 2019年6月11日
【Can Bank】從仲裁看商界態度 - 散子
唔少外資在與中資合作嘅時候都會加入仲裁協議，即係雙方有爭議嘅時候，就交由仲裁中心解決。 資料圖片 適中字型 較大字型
六九遊行大批港人上街，主辦單位稱參與者103萬人，筆者前日亦有參與遊行，主辦機構在台上講出今次咁多人上街，最重要嘅原因係信唔過大陸審訊
唔少人都討論，究竟商界係咪支持今次修例？先撇開大劉申請司法覆核又撤回一事，雖然評論不時有引述不記名商人暗撐反對修例，又引述外商暗地裏表示擔心《逃犯條例》會否通過，但就係無實證去證明商界亦反對修例。
今次係對大陸司法制度信任問題，可以用個間接方法去證明，事實上，唔少外資在與中資合作嘅時候都會加入仲裁協議，即係雙方有爭議嘅時候，就交由仲裁中心解決，好嘅係同樣係法律程序，仲裁結果對所有當事人都有約束力，只有在極少數情況下可以提出反對。唔好嘅係，如果雙方都係中國法人，仲裁唔可以在中國境外進行。
事實上，唔少公司在交易有爭議嘅時間都會進行仲裁，只要睇嚇呢啲仲裁在邊度進行就可以大概知道公司對邊度司法制度有信心（雙方都係中國法人另計），根據香港國際仲裁中心2016年數字，當年中心受理仲裁案件有262宗，當事人國藉排首位係香港，其次就係中國。因此，相信在披露易仔細搵嚇，亦可以搵到例子證明。
散子
http://fb.com/ 散子-257101397966975
Can Bank - 散子 舊文
來源 source: http://hk.finance.appledaily.com
