智取大市 - 晉佳 2019年12月20日
【智取大市】澳門股市膠有膠做 - 晉佳
澳門要成為一個像樣嘅金融中心，有決心自然有機會，但要成為一個同香港一樣功能嘅金融中心，就絕不可能。資料圖片 適中字型 較大字型
喺10月，廣東省地方金融監督管理局官員話澳門證券交易所方案已上報中央，翌日澳門經濟財政司司長梁維特反應最好笑，話睇到傳媒報道先知呢件事，證明養尊處優嘅澳門財金官員，聽到消息係震驚多過驚喜。
坦白講，作為fund man今年沽港股唔意外，中央要「減持」香港比重亦非新鮮事，而大陸體制外亦只得澳門可揀；當然，有得揀已經好幸運兼幸福。幫澳門搞交易所，對大陸而言可謂零成本，何不一試？衰咗最多俾人笑，反正佢哋係世上最唔怕俾人笑嘅政權。
凡事冇話冇可能，要澳門成為一個像樣嘅金融中心，有決心自然有機會，但要成為一個同香港一樣功能嘅金融中心，就絕不可能，皆因喺中央order下建成嘅金融中心，走唔甩嗰浸國產除；加上澳門處理黑錢多，澳門股市資金流十上十落，玩法同功能注定同港股不同。
市場反應最誠實，中國重視澳門發展自然利好澳門概念股，濠賭股理應受累於澳門設立交易所，因會分薄資金流；連濠賭股都升，證明市場睇好多咗澳門、同時極睇淡澳門交易所成敗。信德（242）係最受惠一隻，股價最強，不過，本身絕非優質，跑贏走勢相信短暫。參考澳博（880）舊年炒交棒時由6蚊升到11蚊，信德要見5蚊樓上又不奇。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com
