笑到最後︱點解左膠壟斷科技股？（高明）
根據OpenSecrets捐款顯示，科企員工捐款傾向民主黨，頭三位分別係Netflix、Nvidia同Adobe，九成捐民主黨。
香港對左膠的定義太廣闊，阻住人就係左膠。真正政治光譜，左傾(Liberal)就係支持大政府、財富均分、加稅加福利、環
保、移民放題等議題。左膠就係口頭支持以上議題，但身體誠實反對。例如矽谷普遍支持撐加稅嘅民主黨同拜登，但當稅係加喺自己身上，就會由矽谷團體出面反對加稅。其他利用言論自由之名嚟禁言亦係左膠行為。
根據OpenSecrets捐款顯示，科企員工捐款傾向民主黨，頭三位分別係Netflix、Nvidia同Adobe，九成捐民主黨。公司層面，蘋果、Facebook、Netflix、Twitter都係捐畀民主黨較多，甚至直接捐畀拜登。投票結果顯示，矽谷一帶好藍。反侵係一個議題，左中右都可能反侵，因為覺得佢樣衰，但加州撐藍，結構上本身都係左傾，爭在有冇言行不一。
根本嘅問題：點解科技企業嘅人較為左傾？又或倒返轉問：係咪左傾嘅特質，易啲創立科技企業？
科技企業大部份員工都係大學程度以上，教育水平越高，一般都會越左傾，而科技企業員工來自五湖四海，普遍會令員工大愛包容。
智庫ProCon做過一個保守主義同左傾主義嘅研究，搵82個分別投共和及民主黨嘅人做要冒險嘅工作，做起上嚟冇分別，但大腦反應有，保守主義者會對風險嘅威脅有較大刺激，左傾主義者亦較保守主義者更加擁抱風險。其他特質方面，左傾者思想較開放、有創意，比較肯接受新事物等。
有呢個前設，解釋咗點解喺高風險嘅科技業都係左傾人士為主，保守主義者覺得「依家幾好點解要變」，比較難「破壞性創造」。但肯冒險只係先決條件，可能去咗炒股票，點解走科技創業特別成功？因為左傾者有一個世界觀，幻想世界應該點樣建構，由呢一種世界觀去創造一個烏托邦。左傾推祟嘅生活享受、大愛和平、work-life balance、祟尚大自然，用喺政治上逼人服從佢嗰套，絕對係人類嘅災難；但用喺自己整出嚟嘅應用程式，就變成一個新嘅烏托邦。
特朗普嘅貢獻，就係令佢哋撕破面皮，拎起佢哋往日高舉嘅言論自由禁言，露出佢哋左膠真面目。
高明
https://www.facebook.com/bigricetea/
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
笑到最後 - 高明 舊文
來源 source: http://hk.news.appledaily.com
