士佳說 - 張士佳 2020年12月28日
【#士佳說 】張士佳：感激市埸縱容我
【#士佳說 】張士佳：感激市埸縱容我
還記得三星期前12月7日，上sun channel 葳葳節目，我叫話沽阿里巴巴（9988及baba都沽）去買美團或拼多多，當時有朋友留言話沽隻30倍PE，走去買隻600倍PE（美團），識唔識野架？
其實，我真係唔係好識，因我成日都咁做，市場又縱我，無懲罰我，所以我以為咁係岩，到上星期，市場又縱我了，#9988跌到七個一皮，美團微跌，由7號到現在，#9988跌十幾%以上，而美團跌了1%，PDD更利害，升2%，這個PAIR TRADE無咩點輸過，market neutral，唔洗理大市下跌風險，又可大手做，賺10幾%。
講下笑啫，市場又點會真係縱我，只係呢位朋友拘泥於舊時分析，無睇個圖，問我信圖還是信PE，唔洗諗，信我自己幅圖，呢種操作有排講，下次做節目或者教書可以講多Ｄ點去揀沽邊隻，買邊隻。致於有朋友問可以食未，有十幾%在手幾時食，無咩所謂，悉隨尊便，但記得食就要兩邊食，唔好食一邊就得了，我自己傾向有20巴仙嘅時候食多啲。
＃9988的下跌對恆生科技指數的影響較大。阿里系全線受到衝擊，主要受累阿里股價急挫，騰訊和美團也被拖低表現；大市就由銀行股穩定了局面，尤其是受英國脫歐談判利好刺激的渣打集團、友邦保險及匯控表現還不錯。最搶眼的藍籌當然係#388港交所，413港元再創新高，似乎450元可期了。
不過在內地打壓下，科企的動作未有變慢，京東 #9618 旗下入股農產品批發市場中國地利攻生鮮供應鏈﹔美團 #3690 與雲南省簽作協議共推「農鮮直採」。兩者都繼續主攻社區團購業務。在阿里被政府弄得忙得不開交之際，京東及美團都悄悄地壯大實力。
上禮拜三同學生分享叫要食曬的#6618京東健康，由$195食曬到放假前，足足跌了30蚊。梗係，由ipo開始的九十幾蚊到最高的198.5已經升咗一倍多，持貨的有豐厚利潤在手，當然爭相食糊過假期啦！現需要等待充份調整的時間過後才作打算機會，另一隻＃9992泡泡瑪特我冇在手，加上有盲盒輿論壓力，大家亦要小心；至於#241阿里健康在雙重影響下，可能還要多一些時間去等待。
汽車股唞一唞又要上，近日愛股#305五菱汽車，星期二走原以為自己走得好醒，星期三就破頂冇得講即刻要追番，兩日又大升超過1成！佢估值依然偏低，按照11月MINI EV 零售33094輛的勢頭來看，如果12月繼續上爆，估值還有機會繼續提升。新能源車原料及配套都炒唔定，好在有＃1183澳能及＃1772贛鋒，真係一隻都不能少。
再看消費，依然是按照自己的節奏上行，如#1579頤海國際、#6862海底撈、#2020安踏體育、#2331李寧等表現仍然穩定，當中我有兩隻，而做功課一直有mark低的傢俬龍頭#1999敏華控股不斷創新高，今日值得高看一眼。
近期強勢熱點，依然係光伏這塊，#6865福萊特玻璃、#1108洛陽玻璃、#968信義光能等強勢不改，假期前追入了#3868，今日留意能否仍從後趕上。而最突出的是光伏電站的#1250北控清潔能源大升了12.22%再破頂，公司公告其租賃資產貴州一個70兆瓦光伏發電站，光伏發電佔比於未來將不斷提升，#1250同#3800輪流炒，係炒完一隻都一隻的最佳拍檔。
另外，比亞迪#1211都有動作，僅用42天即成功引入紅杉資本中國基金、中金資本、國投創新等知名投資機構投資其半導體，將加快推進比亞迪半導體分拆上市工作，分拆上市的時機合理，應該係焦點所在。
最後一提#636嘉裡物流，韓正提出加快出臺海南免稅購物新政策，636投資適得其時，其於海口建設保稅物流中心，總面積達5萬平方米，當中包括1萬平方米的冷凍倉庫，2023年第一季落成。另外嘉裡物流又已完成分拆業務Kerry Express Thailand(KETH)，且KETH於24日正式在泰交所上市。難怪她的陽燭搶眼亮麗，歷史新高咁近，指日可待。
士佳說 - 張士佳 舊文
來源 source: http://skycheung.weebly.com
