創業起義｜與其內銷大灣區 不如去東盟創業（尹思哲）
睇財經報章，見佢用「悲報」去形容，年度創業會議RISE退出香港，當堂嚇一跳，諗落得啖笑。對於香港人嚟講，而家話曬移民潮，土生土長都要走，有外國公司退出，又有幾出奇？
RISE嚟香港第二年，我曾幫手主持座談，之後又參加過佢地啲afte
r party，同佢香港co-host叫做相識。如果你問我，係咪因為香港變差，所以RISE退出，我可以幾肯定咁答你，相信唔係。
RISE班底基本上係外國人，站係機會主義者立場，又唔係要喺度生活，無論香港幾亂，其實有錢揾就得。好似印尼、緬甸、菲律賓、越南等地，同香港情況接近，依舊得唔少外國人鍾情。始終白人有佢地英語優越，越亂反而越揾到商機。
喺香港經營5年，老老實實，RISE條水已食得七七八八。就算唔計疫情，無論入場率或叫座力，真係每年不斷遞減。唔少出席過嘅創辦人朋友，都話永不錄用，我幾乎年年入場，淨係睇現場夥食，已幾可肯定佢生意一年差過一年。
情況就似香港早幾年，曾興起一種「企業加速器」。即由專人搞加速器，然後賣俾跨國上市公司冠名，等管理層做嚇mentor過癮，交功課話推動創新轉型。只不過，贊助商出錢唔出力，實質作用梗係少之又少，收費卻七位數起計。若你係公司CFO，會唔會每年這樣燒錢？
講返RISE。佢退出香港，移師吉隆坡，另一個原因，係馬拉政府肯埋單，簽咗一份長達10年嘅協議。要RISE承諾擺低10年時間，當中嘅 incentive可想而知。
我大膽推測，同樣嘅長期合作協議，照計RISE亦曾經試過sell特區政府，但最終對方唔接受。若然係咁，點解成日話重視科技人才、要建立生態圈嘅香港政府，唔同自稱「世界第一科技會議」嘅RISE合作？答案其實好明顯，睇下今年施政報告，創科部分重點，基本上就係「內銷大灣區」五隻字。
RISE本身係有啲水份，但社群確係國際化。佢份聲明有樣嘢抵讚，就係開宗名義，講明由香港轉去吉隆坡，係「擴張」而不是「搬遷」。
言下之意，食得Startup呢行飯，都係有返多少雄心壯志，大灣區7000萬人口真係好多？人地東盟有6億，幾乎係你嘅十倍囉，又中立於美中兩個大國，自然就係睇高兩線啦。
尹思哲
http://linkedin.com/in/wanszezit
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
創業起義 - 尹思哲 舊文
來源 source: http://hk.news.appledaily.com
