李華華Online｜新地郭炳江郭基煇父子籲港人：一人行多一步
新地（016）旗下帝京酒店製作抗疫福袋贈慈善機構，新地前聯席主席郭炳江與執董郭基煇以「父子檔」露面支持。(帝京酒店Facebook專頁)
肺炎疫情持續擴散，酒店行業大受打擊，新鴻基地產（016）就不嬲鼓勵員工有
時間可以做義工，疫情幫下人，旗下帝京酒店就製作咗抗疫福袋，送畀有需要嘅慈善機構，新地前聯席主席郭炳江、同囝囝兼執董郭基煇（Adam）就父子檔露面支持一批員工。
據帝京酒店Facebook專頁，酒店員工同義工製作咗數以萬計嘅抗疫福袋同飯盒，再運送到唔同嘅非牟利機構，其中郭炳江同Adam身穿紅色義工服。Adam話，捐咁多福袋同飯盒，主要想帶出一個訊息，就係香港要向前行，係需要多啲關愛，無分你我咁話喎，幫人幫自己，每人行多一步。至於郭炳江就附和囝囝講話叫香港人多走一步，令社會更加和諧。
帝京又話，疫症當前，深信憑藉獅子山下守望相助嘅精神，大家都可以做有心人，一齊跨過艱難時刻。見住一班員工忙住包裝福袋同整飯盒，唔知佢哋兩父子有無落手一齊整呢？
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
李華華Online - 李華華 舊文
來源 source: http://hk.news.appledaily.com
