創業起義｜只有改朝換代 從未真正顛覆（尹思哲）
今日想好好懺悔，因為過去14年來，我斷斷續續係報章專欄，再加上寫過幾本書，都犯下咗一個天大錯誤。
曾經何時，我天真地認為，以Google為首，以至Amazon、Twitter、Facebook等互聯網公司，佢哋出現同壯大，會係一場革命，
顛覆舊世界包括新聞、媒體、娛樂，總之係數之不盡咁多行業。
當時嘅我以為，互聯網行業發展落去，最終會帶嚟一個更開放同自由嘅文明世界，至少都可以令人與人之間，變得相對更平等，每個微小個體，有機會發表自己嘅聲音。有料嘅人，唔使出賣自己靈魂，可以忠於自己，唔需要邋遢手段，亦可以俾世界看見。
好可惜，最近發生嘅事，令我深切反省，原來咁多年以嚟，互聯網從未真正顛覆過，而且極其量，只能話係「改朝換代」。事實上過去20年，從以前舊經濟嘅玩家手上，權力有釋出，並且再交到新一批科技玩家手上。可以話換咗新天子，但管治邏輯實質並無改變。
舉實例，以前嘅日子，一般人想發表意見，要先通過報刊編輯發掘同審查。今時今日，只不過換上社交媒體所謂「factcheck」部門，仲要唔知有冇外判，交到某國有關單位。問題在於新一批玩家以科技稱霸，可以全球化普及，不似得昔日媒體企業，受語言文化所限，只能獨霸一方。
今天嘅社交媒體霸主，手上除握有財力、創新力，到最近竟然踩過界，收割埋政治影響力，明目張瞻地扶起一個美國總統，很明顯整個操作，跟古代曹操立獻帝以令諸侯，基本上已同出一徹沒有兩樣。
即使由Web 1.0去到Web 2.0，部分個人自由或有所提升，但中央集權的本質從未變過。資訊世界由舊的霸主，換上全新獨裁者。最可怕是以他們的資源和實力，很難被推翻。任由科技公司坐大，唔淨係美國人、香港人嘅事，講緊影響可能係全體人類嘅存活問題。
當互聯網淪為獨裁和專權的武器，我不禁要問，人類還有逃脫的機會嗎？我認為尚未到絕望的話刻，未來十年唔\itcoin，任何關於去中心化嘅事物，包括加密貨幣、DeFi都好，總之旨在與中心化體制對抗嘅產品，作為網民都要好好學習和支持。
我並非不支持MeWe和Signal，但問題是，當大家快餐食得太多、汲取了過多致癌物，那麼解決方法，即使短期內先幫襯另一快餐店，但要長遠要正視和解決的，還是自己的整個生活習慣，該如何去保養及開拓，最後夠讓自己真正的快樂起來，那是相當重要的。
尹思哲
http://linkedin.com/in/wanszezit
-----------------------------
男士體檢 千多元買安心
男士怕睇醫生，但其實清楚自己身體狀況，病向淺中醫先才是健康之道。 香港駿檢讓你以優惠價做體檢，可以check清楚心肺前列腺等等，再加醫生報告及電話講解，都只是千多元，就當為自己買個安心！
你的優惠7折購買: http://bit.ly/3bAU4Kk
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
創業起義 - 尹思哲 舊文
來源 source: http://hk.news.appledaily.com
