兩類人話樓市升，樓市就唔會跌
在今年初時筆者預期樓市有15%升幅，有不少人話我亂作，仲話今年樓市唔大跌已經偷笑。到了最近，英國的BNO計劃反應不大理想，香港的移民人數可能只得英國人所預計的一成半，大約今年有20,000香港人移民去英國，移民減少，樓價下跌的壓力亦會減少，所以，近日有不
少專家轉軚，現在普遍認為今年樓市會上升15%。
老友話我食地產行業飯，熟悉樓市，預測準確亦不出奇，老友可能唔知道，有兩類人預測樓市比地產行業的人更準確。第一類是銀行家，他們真金白銀借錢比客戶買樓，如果唔了解樓市，豈不是將真金白銀倒入大海，今年銀行家對樓市取態與去年完全不同，他們趁新年期間向客戶拜年，而且又表示銀行有意放貸，有銀行支持，樓市想跌都難。
有不少人認為物業投資者最了解樓市，所以應該是第二類人，絕對不是，但物業投資者會接觸到最了解樓市的人，如果觸覺夠敏銳，就很容易預測到未來樓市升抑或跌，唔講大家未必知道，原來租客是最了解樓市，如果他們認為市況向上，就會簽新租約或者續租。而且租期要有咁長要咁長，近日新簽或者續租的租客，大多數要求一份長租約，投資者見到咁嘅情況，就知道樓市離復甦之期不遠，或者正在復甦，如果租客在續租時要求一張短租約，樓市復甦仍然要等一段時間。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 - 湯文亮 舊文
來源 source: http://www.am730.com.hk
