士佳說 - 張士佳 2021年6月16日
【#士佳說 】張士佳：貨如輪轉
【#士佳說 】張士佳：貨如輪轉
假日回來，港股本來受美股帶動而高開，可是很快便隨A股下跌，主要受人民幣回落及內地新招降7萬億現金類理財產品槓桿，規定不可投資股票所影響。上證指數創近月新低，令港股欠缺動力，期指更跌穿近來低位28528點，期指現走勢都幾核突，好在我哋D股生性，個市一路跌一路都有亮點炒上去，但係千祈唔好陰燭收低過28073，咁就要收斂了。
暫時有得炒就炒住先，汽車股係重頭戲，比亞迪稱正與小米洽談汽車合作，相信主要是電池上的合作，有小米睇得起，可見比亞迪造車的實力。逆市升4.7%，呢隻股我捉得中，昨日食咗一半，剩低一半放紙鷂；吉利旗下電動車品牌極氪首款車型料10月交付，也是值得留意，升唔升唔知但係底部已見。其實美股方面的汽車三傻也開始回勇，整個板塊有休息夠了，汽車股已經連升5日。也直接帶動汽車配件的#1057浙江世寶大升。電動車市場正步入戰國時代，短線消息炒作甚多，唔知幾時突然間到#558。
其實可以炒嘅板塊真係好炒，但係要識得轉來轉去先至好味，之前炒石油，#857 牛賺得幾好，尋日袋袋平安，話俾學生知我轉去買巨濤，話口未完，下午即日升12%，又可以食一半，又轉返去石油。巨濤升咗上去，石油又跌咗落嚟，一來一回，認真好玩。
尋日同大家講珠寶首飾都係一樣，六福升到爆，周生生亦步亦趨，搞到我連景福都炒埋，呢隻五億都唔夠，注碼當然係正常嘅五份一啦。
新掛牌的#6699時代天使是市場焦點，一手中籤率僅1.5%，暗盤價升近三倍。其影子股#3309希瑪眼科勁升28%，年初收購牙科服務商，或許成為造勢先鋒，但係升到咁除咗放紙鷂你都冇乜嘢可以做。對於醫美概念，上次就談到了整頓對於行業是好事，如#460四環、#1830必廋站都強勢反彈，這個賽道部份個股繼續值得看好，前者有後者我冇了。
#1368特步向高瓴資本發行5億元可換股債券，刺激股價勁升2成；高瓴此番投資特步的總金額超過了10億港元。強化了東京奧運概念，同業#2331李寧，#2020安踏，2020我有，兩股在不斷配股下愈升愈有，且看特步能否有相若表現，回一回再破頂，又可關注。仲有隻冷門啲嘅361度，尋日都上晒力了。
醫藥股方面，留意緊CDMO#1873維亞生物，及#1521方達控股，兩者業績強勁恢復，未來高增長有望持續，可惜升咗太多，唔敢追，除咗康隆化石，我買咗啲旁敲側擊嘅好似三生有幸，中藥等等，仲等緊綠葉破頂關注，藥五花八門值得大家做吓功課。
另外，恒大負債危機亦有更新，傳遼寧省洽中國恒大入股盛京銀行，雖然大股東地位有影響，但算是國家隊出手幫忙。只不過，翻查恒大現時的債息，不少仍是高企於20%之上，是中港股市的隱憂。
士佳說 - 張士佳 舊文
來源 source: http://skycheung.weebly.com
