士佳說 - 張士佳 2021年7月5日
【#士佳說 】張士佳：嚴守訂下的止蝕位
【#士佳說 】張士佳：嚴守訂下的止蝕位
星期五港股反常下跌，之後傳出滴滴打車壞消息後，除此之外，大市唔算有咩壞消息，就跌咗四百幾點。
四百幾點唔係世界末日，但係唔少股都要跌，包括最近先前升得好好嘅板塊，我自己面對呢啲市況，通常會咁睇，一日半日可以唔理佢，當係偶然，但係兩三日係咁就要對應對，或者彈一彈再跌，就唔可以遲疑。
星期五晚美股升帶動夜期反彈係一個好的試驗，今日開市後一路跟升，當然最好，但如果今日都唔彈再度下跌，甚至收市失守27909，咁就唔知背後發生咗乜事，市場走勢就點都要尊重，發生左都要減倉。
雖然半日市嗰日減左D倉，但如果再下跌，都係減得唔夠，無論我哋點樣睇，唔重要，市場上嘅落注的資金先至係最重要，睇法可以錯，做法一定要執行，投資一定要講值博率，值博率夠就博，唔夠就收，既然入市前已定下左止蝕位，到就要嚴守，以退為進。
士佳說 - 張士佳 舊文
本文作轉載及備份之用 來源 source: http://skycheung.weebly.com
