士佳說 - 張士佳 2021年12月13日
【#士佳說 】張士佳：跟進
【#士佳說 】張士佳：跟進
到咗24333，市場降一降温，個股就回得多少少，但並唔顯著，不過都唔理了，陽燭升穿24333就加重多些，否則，就維持逢高食。
最近上堂，都有個別同學問到做人工智能的港企商湯集團#020，我總係答唔係我杯茶，點知上市前夕遇美國打壓出變數，被列入中國軍工企業名單，並禁止美國資金投資，令商湯香港的IPO被推遲，但中概股冇因這消息而下跌，表現尚可。
Omicron又有新變種，其隱性傳播得好快，各國都更加嚴格的防疫措施。但係今次就唔係好炒藥股，而系加速航運股嘅上升，因為擔心供應鏈嘅問題。中遠海控#1919，有股東回購支持升2%，東方海外國際#316仲系靚，連續7支green bars(量變)，直迫前頂(呢隻升得太猛，太吸引，我上個禮拜已經食曬)，再睇下市場會唔會輪到炒埋海豐國際#1308及太平洋行運#2343。
上星期我話浙江世寶#1057留意$2.06，結果突破完即市都有2成升幅，唔知你識唔識食，有食就等下次突破2.55再炒過啦，有消息話佢正研發SBW技術，話係自動駕駛執行器的智能化核心技術，聽住先，又未有產量，短炒下兩成幾都幾和味。
資源股都考慮同汽車及電池碳酸鋰相關的，造車不少得鋁，中國鋁業#2600，俄鋁#486留意住先，再等多啲信號出。但有鹽湖鋰概念的中鋁國際#2068就率先跑出，大升67%，鹽湖提鋰技術是用於生產鋰電池用原材料，故得到市場發掘。升咁多，阻力位喺前面的3.45，等出阻力回一回再升穿，應該還有一段。
中國民間消費白酒系年尾過年不少得，跟進番上星期提到的白酒貴州茅台突破2000元樓上企好2-3日了。港股就炒下啤酒股，上個月喺Sun channel提到有華潤啤酒#291都穩定地升，不妨食一半然之後留一半坐上去，另一方面，好多朋友都有留意冬季奧運，體育用品股李寧#2331都連續反彈咗三日，北水未停過買，我自己就覺得短炒可以，長揸冇謂，每次奧運會前，體育用品股都會率先收工，加上而家蟹貨咁多，我都係炒底啲當時得令嘅好過，好似隻金貓銀貓#1815之前我哋炒過，由250天炒到3倍升幅後，回左一浸，星期五升17%，都一樣係等阻力回一回突破會再炒。
最後update 下元宇宙，全球創新的競爭場地，先有Meta開放VR世界Horizon Worlds，百度又開發元宇宙App。其實元宇宙講明係虛擬世界，就好鬼多嘢都有關，例如有如遊戲、VR、MR影視傳媒、硬件軟件、區塊鏈Token幣圈及5G等等。
喺香港的潮流先鋒者，新世界發展#017的鄭志剛就投資了Sandbox，並買了塊最大的虛擬土地，有意打造成一個創新中心，如建立展覽館，歌手可以喺入面開演唱會，實現從元宇宙遊戲轉攻虛擬資產作商業用途。外國元宇宙遊戲先鋒者有Roblox或Minecraft，而The Sandbox很大程度建基於區塊鏈上的遊戲平台，有更大嘅虛擬商業賺錢潛力。
香港股票相關的，跟元宇宙題材最有遊戲發展潛力的相信係騰訊#700，在遊戲方向應該不會跑輸，可惜蟹貨太多，唯有著眼於硬件，常提的是舜宇光學#2382及柏能集團#1263都係有關，或許每次回調支持都係機會。除了騰訊，我相信馬雲都一定早有部署，叮噹碼頭嘅#9988先至會跌到冇影，最近遇到嘅壞消息都冇將佢再進一步推低，我相信有博反彈嘅機會。
現在市況，無論是指數及當炒個股都已反彈到此階段，回一回仲好，始終反彈都已有一千點，試下支持再升穿前阻力，往後才會升得較堅實。
士佳說 - 張士佳 舊文
本文作轉載及備份之用 來源 source: http://skycheung.weebly.com
