今轉跌市淡倉先行獲利，回報尚可接受。 (Asia-Pacific Images Studio via Getty Images)
上星期專欄題為《嚟到10月底 港股見底？》，當時港股仲係死氣沉沉，留言區梗係好好招呼我啦。「講到升硬咁，咁你瞓身買未呀？」、「都未穿上次個位、點會係底。」、
「有理由相信11月會見萬五點。」等等等等。
美股外幣即時報價 多國新聞任睇
無謂留言無謂回
那些「XXXX咁你唔瞓身」嘅留言，真係回都嘥氣，所有嘢一話睇好就要瞓身呀、All in呀，毫無營養可言。至於話有機會再穿底，見萬五那些，我不敢亂反對，縱然恒指今轉由低位反彈1200點或7%，冇人敢寫包單唔會再試低位。我們可以做的，就是用操作應對未知的市況，目標只有一個，就是贏錢。鍾意辯論嘅，請移玉步至其他討論區。當然，我都好想知今次留言區又會點講，歡迎踴躍comment。
那些「XXXX咁你唔瞓身」嘅留言，真係回都嘥氣。 (grinvalds via Getty Images)
IGG回購有炒味最新操作是，指數淡倉及港交所（0388.HK）全走了，前者贏到幾塊膠布，後者操作得差要輸，但埋單計淡倉在今個跌浪都有得贏。走淡倉當然係覺得個市仲有得挾，關鍵位放在50天線，對上兩次（9月及10月）反彈均在50天線回頭，但當時指數處於較高水平（18900及18200點），如今恒指50天線為17700水平，要企穩難度不高；另留意今次50天線開始轉跌為升，同步10天及20天線已向上衝，短線走勢轉強，觀乎上述兩個指標，淡倉食糊十分合理。
短炒博再上的，可以留意二三線科技股，IGG（0799.HK）近日啟動回購，圖表整固兩日後再走高，形態不俗可關注。
唐牛
fb IG YouTube
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com
