車公阿叔的指示
車公阿叔的指示
車公阿叔的指示
龍年第一稿先恭祝大家如魚得水，找到自己的一片大海。大年初二劉業強到車公廟為香港求籤，籤文內容不談，反正車公每年也一矢中的，問題是當權者老闆不是車公，只會當耳邊風，今稿想討論一下解籤阿叔。70多歲的黃師傅被問到香港2024的運程，他直白
說：「好似美斯請到嚟都唔落場，河國榮燒炭，話會好係呃你嘅，你諗下香港咩環境。」
話風一轉師傅話：「嗱，我講香港咩環境咋，我無話唔好呀！你千祈唔好搞錯，有咩事差佬會嚟搵我㗎！」他續說：「依家連解籤都要解得小心，有咩事都唱好香港講國家安全，基本法一帶一路好。」叫記者不要再問，話解籤時有人問到香港會點，他只會唱好，因講到香港就涉及政治，俾人講出嚟佢會唔掂。所以，本欄緊跟車公代言人告誡，減少提及中港經濟。因經濟會一直向好，直到永遠，根本不需多談，愛國愛港人士應爆買港股港樓，董伯伯話齋，中國好香港好，發達就是咁容易。23條立法在即，所有國家經濟數據也可能是機密，跟隨數據猜度政策發展更加危險，估錯俾人話無料反而小事，估中就涉及洩露國家機密，後果不堪設想。往後多討論中港以外混亂不堪經濟，以後看專欄要懷抱智慧去閱讀，雖然設有門檻，但看得懂的，得著會更多。
HEA富專欄 - 郭釗 舊文
本文作轉載及備份之用 來源 source: http://www.am730.com.hk
