中央救市後市點睇 買樓趁年輕 才可做大槓桿 ︳諗sir專欄
廣告
讀者：
你好諗sir，本人在26歲時開始有心想買樓，一心以儲蓄達標，中間曾投資票，但永遠因太心急，見股價跌就走（因為想止蝕）。 現在回望，如果持有係可返回買入價， 自知自己性格應該不適合股票。 因此買樓後無再買過。現時
已近30歲，每月支出如下
閱讀全文
家用6000
租住家人單位6000
基本洗費： 水電、日用、交通 約5000-6000
月儲蓄18000
想問諗sir, 我直家應該儲一舊本金投資收息? 定係買樓? 宜家本金不多，有咩投資可以留意下？ 開始實行買樓計劃後, 個人踏實左好多，因為每個月部份支出已扣起。無以前成日驚股票蝕得多感謝指點！
諗sir：
中央救市，大升六百。你問我會唔會再升落去? 應唔會咁易穿18000。原因可見人仔走勢圖。中央拓野係會有個底線，然後只會招係底線高少少比佢橫行，就收工。 美金兌人仔低見7.33水平，有人大力出手幹預急升，先企穩7.25，然後升到7.09附近見頂。比個假希望你話會穿7見6.9x。然後咪好似而家咁7.09-7.19橫行擺係度算數。老闆叫我踢，我咪踢，但又唔會多做比你。反正我績效評唔關匯率有幾勁。
拿，呢個個案讀者係股市損手，廿幾歲仔難怪。買股就係公開自己同全香港既uncle或者有錢佬博奕，呢個咁簡單既事實，反而無人提你。而「沒錢仔」 = 需要買樓，如你已有一定現金水平，買樓未必適合你。呢個statement可以計出來:
*沒錢仔不含貶義，反正大部份人一出世就只著住屎片，除左幾個投胎KOL。
讀者月入3萬幾, 每個月存$18000。儲蓄率已經不錯將自己儲蓄的六成都儲起。他現在接近30歲，當佢持續打工把18000存多20年,20年有240個月。即20年共240*18000 = 432萬。432萬就當他由50歲起穩收5厘息到死，一年其實只收到21萬6，除開每個月又係有是18,000元洗。留意到廿年後物價比現在將高很多。而人工? 你估會不會大幅上升呢? 我想香港未來一段時間工資不會大升，世界其他地方都不會，只係你擁有特別技能才吃香。去世界其他地方會不會有更高工資? 那你問一下一些移了民的朋友，離開了他母語純熟的地方，係咪反而可搵更多? 天下很大生活不一定要錢，不過穩定的收入可令你同你家人個心定好多。
你趁仲後生，利用香港的工資較高入銀行買樓借更多，對於有工作的人做九成按揭例如你給50萬可槓桿500萬樓，每當樓價升20%，帳面可賺到100萬。幾百萬咁賺，絕大部份經歷過既人只從買樓。買虛幣? 買股票? 係有人都試過賺到成千萬，不過肯將幣揸到賺成千萬才放既人，身家好少幾十萬咁少。如唔賣樓用黎收租，租金可同通賬上升，對沖通賬為退休部署帶來的不確定性。所以買樓其實趁年輕就是年輕人才可做大槓桿，45歲打後銀行已唔想借比你，何況第時連呢個機會既門都關埋。如有撤辣再第二間低稅應趁機把握。
圖片來源：資料圖片
勁一專欄 - 諗sir 舊文
本文作轉載及備份之用 來源 source: http://www.edigest.hk
