究竟今次「牛市」會否在兩星期內玩完呢？青冰實在無水晶球答你唔到，但這幾天趁回吐可幫倉位把脈。 (FangXiaNuo via Getty Images)
最近一星期股民的心情有如過山車，由9月24日中央出招救市後，恒指累升四千幾點，當中沒北水那幾天更維持到幾千億成交，四日升二千點，相信
在星期一訪問任何一位投資者，大家都相信周二A股開市會更瘋狂，甚至有人揚言開市就會漲停提早收工喇，連大行高盛都在周一發表報告，到出十大買中資股的理由，氣氛一面倒看好，然後周二市場藉發改委沒刺激經濟措施為由，恒指怒隊逾二千點，一嘢抹煞早前四天的努力。
美股外幣即時報價 多國新聞任睇
究竟今次「牛市」會否在兩星期內玩完呢？青冰實在無水晶球答你唔到，但這幾天趁回吐可幫倉位把脈，判斷健康是否出問題。舉個簡易的例子，周三收市時恒指20637點，剛比9月27日收市時的20632點高出5點，只要戰友拿出9月27日時那張statement望一望，再對比周三的倉位數字，如果仲有賺的話，證明戰友上周雞犬皆升之時，仍沉得住氣，無加到滿倉，又或者係更高階的玩家，有份亂衝但肯食糊，周二見勢色不對再減倉保平安。
如果倉位比起9月27日那天已經倒輸，其實是一個警惕，證明低位唔夠貨，上周見人人賺錢就高位急衝入場，以為本周可將火棒轉畀內地股民。如倉位已比9月27日那天大跌，反映上周追入了不少瘋癲股，而且仲用了孖展買凸，青冰心目中的瘋癲股如券商申萬宏源（218），9月27日時係0.43元，上周四高見4.25元，暴漲9倍，不過周三收市已是1.85元，雖仍遠比9月27日時高，但已較高位時腰斬，要4蚊買到都唔容易，因為只係企了幾分鐘，但上周四及五大部分時間在3蚊附近徘徊，相信引了不少投資者入場，短短幾日跌三成，重注買咗又唔止蝕的話，個倉比9月27日時低絕對唔奇。
中資股+NVDA 分散風險
幫個倉計完數睇咗驗身報告，就可以籌畫之後的策略，仲有錢賺的，不妨繼續留守，甚至酌量加注，只要擺定個止蝕，跟中央救市共存亡並沒問題。但經歷一星期的衝高急殺，個市返原位之時自己已重傷，青冰奉勸戰友要減低倉位好好療養，而且要改變策略買返緊貼大市的股份，否則市況再向下，瘋癲股的流通性較低，隨時會出現跳空殺價的情況，屆時便恨錯難返。
最理想的方法，就是分散風險，有中資股去博，但亦有NVDA去對沖一下，無論東升西降還是回復東降西升，都會有得益，如果下下都全能足球十上十落，球證話上半場未完，你都已經瞓低咗喺度失救了。
青冰
http://www.fb.com/chingbing888
本欄逢周五刊出
大茶飯 - 青冰 舊文
本文作轉載及備份之用 來源 source: http://hk.finance.yahoo.com
