當投資者只選擇相信自己想睇嘅資訊，會忽略市場走勢嘅變化。 (urbancow via Getty Images)
上星期本欄寫「今年必上四萬三」，星期一道指已經到價，本欄又中，點解本欄成日都中？可唔可以畀我錯返次？
美股外幣即時報價 多國新聞任睇
主觀解讀係通病
不過，高明留意到上星
期文章出街，社交媒體有接近8成留言誤以為高明講恒指。比例其實都幾乎合80/20法則，8成人輸錢。
事實上，恒指點數上同43000相距甚遠；加上撳個掣入去睇篇文唔難知道。發生呢啲事，其實毋須太自責，因為大部份人都係咁。
喺心理學上，一般人主觀咁解讀自己想睇嘅嘢可以用確認偏差（confirmation bias）嚟解釋。呢種偏誤係指人會傾向於只接受同佢哋已經持有嘅觀點一致嘅資訊，忽略同自己觀點唔一致嘅證據。好似寫「今年必上四萬三」講道指時，某啲讀者已經預設咗恒指嘅資訊，從而忽略其他可能性。
事實上，恒指點數上同43000相距甚遠.... (NurPhoto via Getty Images)
偏見影響判斷 招損失
行為經濟學嘅研究亦指出，當人們作出投資決策時，呢種偏見會進一步影響判斷。例如，投資者會更加注意到支持自己投資決定嘅資料，而忽視反對嘅證據，令佢哋喺市場風險變高時繼續持有錯誤嘅投資策略，最終導致損失。這種行為稱為自我歸因偏差（self-attribution bias），即人們會高估自己對某件事嘅理解力或者技術能力，並傾向於過度自信。
研究發現，當投資者只選擇相信自己想睇嘅資訊，會忽略市場走勢嘅變化，特別係危機前嘅信號。例如2008年金融危機前，有不少投資者因為過度相信市場穩定，而忽視經濟泡沫嘅風險，導致嚴重損失。行為經濟學家Daniel Kahneman 同 Amos Tversky 已經提出，呢種經驗性偏見（experiential bias）會令投資者過度依賴最近經歷，特別喺投資環境有變化時更容易作出錯誤決策。
大多數投資者往往會只留意支持自己觀點嘅資訊，忽視與自己觀點唔一致嘅數據。例如喺一個牛市環境下，投資者可能會過度樂觀，忽略市場泡沫嘅風險，甚至會錯過市場下行嘅信號。正係確認偏差嘅結果，導致大部分人錯過轉變市場策略嘅機會。
相比之下，少數贏家通常能夠更全面分析市場動向，並根據實際數據同趨勢作出理性判斷。呢啲人會更深入分析基本面、技術分析同市場情緒，而唔會只依賴自己嘅直覺或片面嘅資訊。
80/20法則廣泛應用喺財富分佈上，但香港真係一塊福地，即使唔適合任何投資，仲有最強複利息工具定存。本欄苦口婆心講多句：唔適合投資，造定存啦。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
