士佳說 - 張士佳 2026年4月27日
【Sky說 港美股實戰平台】最新update #恆指 #港股 #美股
【Sky說 港美股實戰平台】最新update #恆指 #港股 #美股
sky: 上星期三上堂講書都知病左，睇咗醫生以為星期五好返，上課都正常，但一落堂腎上線素一過，就打回原形；今個禮拜我要教四班，絕唔欺場，不容有失，要以最佳狀態作出分享，所以今日決定唞多一日，下個星期先至再有Sky說，今日只能同大家文字update 幾句。
上星期講左投資以美股為主; 最近市場焦點係PCB，CPU 同光通訊，有幸捉中呢類型既股，例如前幾日再加注既#MU短短幾日就升約10%，但升得好亮麗既當然就係#AMD喇，我舊年11月同大家講左美股大股最CORE就有 4隻，分別係#AMD，#TSLA，#GOOGL同#MU ，當時睇AMD 過 $300， #TSLA睇$1000， #GOOGL 就長揸，結果四隻中三隻，而家#AMD 達標，升了30% ，#GOOGL都向好及破頂，#TSLA 就蝕緊十幾巴仙，兩個月前擔心Benavides v. Tesla案，終審敗訴，擔心類似案件，掀起訴訟，我當時諗住等埋業績睇吓點，結果業績唔錯都唔升，今日開市打算減半。
另，講埋#AMD之後部署，升左上黎之後，我自己做法會食1/3，剩2/3一部份會等出阻力就再走1/3（走第二次三份一後，如果再陽燭穿破番，就做補番短炒），之後1/3就暫長坐唔理喇，反正加埋第一注都兩三百巴仙了。
美股大市都講兩句喇，大市最近的確強勢，唔理任何戰爭壞消息繼續向上挑戰，消息上有傳聯儲局減息預期由3次增加到4次，基本面消息面不嬲唔係我強項，所以我都係跟番信號，主力以股為主，先前買嘅#Dell 表現唔錯，但黎緊我會趁高放緊啲其他個股，上星期五就走咗三隻，喺上集回應度應該睇到，注意力就改放在都落後股，好似#ORCL 同#MSFT 都係繼續等信號關注及加注。市場好多焦點，回應都會同大家繼續Update。
而港股方面，外圍強勢但港股就慢左落黎，如果有兩支陽燭升穿近期頂，我會睇返好少少，港股會有啲機，所以目前冇做到，我就會當佢機前有危，部署仍以做淡為主，最後股方面就繼續游擊戰，睇番系統訊號寥寥可數，走多於入，近乎暫時唔玩港股，好手痕嘅就買啲同個大市唔啦更嘅，好像#600、#817自己做吓功課，不過，我都係沽住個市嚟買。
噚氣講句，最近天氣忽冷忽熱，大家都要好好保重，下星期見！
士佳說 - 張士佳 舊文
本文作轉載及備份之用 來源 source: http://skycheung.weebly.com
