【周期操盤手】小龍：巴菲特指標飆至 228%：當市場瘋狂脫離現實，留意678月
周期操盤手
日期：2026-05-04
更新時間：10:13:51
近期金融市場籠罩喺一片樂觀情緒之中，但如果你將視角拉遠到宏觀維度，會發現一組令寒毛直豎嘅數據。被投資大師巴菲特（Warren Buffett
）譽為「衡量估值最佳單一指標」嘅美股市值與 GDP 比率，目前已攀升至約 228% 至 232% 嘅驚人水平。呢個數字唔單止遠超 1929 年大蕭條前夕、1987 年黑色星期一，甚至比 2000 年科網泡沫巔峰時期嘅 140% 仲要高出一大截。當股市規模已經係實體經濟嘅兩倍有多，我哋正身處一個歷史性嘅「估值孤島」。
市場之所以能夠支撐如此高嘅估值，主要係押注 AI 帶來嘅生產力爆發，以及預期聯儲局最終會進入全面減息周期。但歷史規律話俾我哋聽，買得貴注定回報低，根據目前嘅估值水平，多個量化模型預測美股未來 10 年嘅年化預期回報可能接近 0% 甚至負數。當你喺咁高嘅 GDP 比率位置入場，本質上唔係投資而係「博命」。一旦 AI 嘅變現能力未如預期，或者通脹因為油價突破「四頂」而重燃，呢場由估值擴張支撐嘅牛市將會面臨殘酷嘅「殺估值」過程。
相比起公開市場，更令人擔心嘅係私募股權同商業房地產呢類隱形地雷。過去十年嘅低息環境令大量資金湧入缺乏流動性嘅資產，但呢啲資產嘅估值往往具有嚴重滯後性，當市場環境轉變，往往會陷入「有價無市」嘅困局。尤其係私募領域極度依賴槓桿，喺目前高息環境持續之下，債務再融資成本激增令原本嘅收購遊戲變成生存遊戲。一旦投資者因為恐慌想撤資，呢啲資產無法快速變現，最終可能引發被迫折價拋售，進而衝擊整個金融體系。
金融體系最怕嘅唔係「跌」而係「去槓桿」嘅連鎖反應。目前全球債務水平處於歷史高位，當股市同房地產價格下跌，抵押品價值縮水會觸發銀行追補按金。為了還債，投資者必須賣出最有流動性嘅優質股票，導致股市進一步下跌並形成死亡螺旋。如果油價真係不幸突破「四重頂」阻力，更會引發全球性嘅蝴蝶效應。石油作為百業之母，一旦油價一飛衝天，運輸同製造成本會即時飆升並轉嫁俾消費者，令通脹死灰復燃。
與其在市場高位博弈那些估值過高的熱門股，不如耐心等待均值回歸帶來的機會。尤其是一些權重指數在經歷了長期的橫盤派貨後，若能在未來一段時間內完成底部，將會是中長線布局的理想標的。記得留意678月
相關內容：
【天下第一倉】高山行：要股唔要錢
周期操盤手 - 小龍 舊文
本文作轉載及備份之用 來源 source: http://hksmedia.com
