國企指數
恒 指波幅指數近20日

VIX指數 近5日

上証綜指
深圳成指
滬深300

2018年5月17日 星期四

一路一帶 - 斯郎 2018年5月17日



一路一帶 - 斯郎 2018年5月17日


一路一帶:共享經濟賺錢法


■共享經濟席捲全球,善於經營者,生意可以爆發式逾倍增長。互聯網圖片



共享經濟席捲全球,不過未必每一樣都賺到錢,Uber、Airbnb及共享單車,公司估值高,房東及司機搵到食,但公司仍然未找到一個穩定嘅盈利模式,燒錢仍然持續,就連王維基都話,香港網購三年定生死。

共享方式兼提供一站式服務,能夠賺錢嘅公司唔多,Amazon係其中之一,呢間公司太過巨無霸,用佢做例子似乎冇乜指標性。筆者今次分享嚇另一個例子。

呢間物流公司,近年喺東南亞用咗共享模式,空手入白刃,將當地業務由估值1億變成50億(獲當地鐵路公司入股23%)。呢間公司唔喺當地投資建車隊,反而從本地人入手,採用類似Uber嘅方式,招攬當地嘅司機,用公司平台接單,再派單予司機送貨,拆傭分成,根本就係物流嘅Uber Eats,司機嘅貨車、電單車、單車、甚至步兵,負責管埋自己送貨「架餐」嘅運輸及維修成本。物流公司負責接單及管理平台,生意爆發式逾倍增長,用咗唔夠6年,由蝕錢變成賺錢,估值仲升至50億。公司仲話,諗緊方法去減價,而唔係加價,減價搶生意,但唔係燒錢方式,反而賺到咁多生意,點解uber仲未賺錢?點解嗰啲單車仲未賺到?

另一方面,倉庫公司除咗做倉儲及物流,仲做埋網購同服務,客戶係食品公司,佢做埋中央廚房,將食物煮好再急凍,需要時再派去快餐店,幫個客減低成本同時間,提高「物流服務」收費,呢種賺錢方式,絕對聰明過淨係搬車送貨。

網購呢條橋更加利害,時裝、零食同家電客,只要公司傾掂包銷,就做埋網購生意,客戶減少儲倉成本,增加去貨速度,物流倉庫公司除咗賺物流費用,又賺埋轉售費用,即係送貨司機自己做埋判頭。以上其實全部都係有共享同創新科技概念,呢間公司唔使夾硬自己開間創新公司,利用自己本業加上idea,其實就係1+1=3嘅結果,創新其實可以好離地,亦都可以好貼地。不過香港嘅「創新」,來來去去都係基建同地產,根本冇進步可言。

PS.心水清嘅讀者都知講緊邊間物流公司,筆者「脷伸」唔係推介佢,亦都冇持有佢股份。

斯郎
https://www.fb.com/oneroadonebelt/

斯郎
~TITLE_S~一路一帶 - 斯郎 2018年5月17日 舊文