魚樂無窮：私有化熱潮尋寶
■香港千幾隻股票，點知邊隻會私有化？你玩我呀，四眼仔！ 互聯網圖片
私有化熱潮殺到，繼寶國國際（589）後，港機工程（044）亦宣佈，擬以每股72元進行私有化，較上周五收市價溢價逾六成，消息刺激港機噚日搶高逾五成，收報68.1元。是否入場博呢幾個巴仙的差價，
私有化能否過關固然重要，另一個考慮因素是時間成本。因為私有化交易歷時數以月計，你用100%資金去博，如果大時代出現，你的機會成本便十分高，相信大家都明白「睇住人哋贏自己冇份」嘅心情吧。
嫌幾個巴仙冇肉食？尋找私有化概念股，是另一個贏錢途徑。「香港千幾隻股票，點知邊隻會私有化？你玩我呀，四眼仔！」大海撈針當然行唔通，但蛛絲馬跡卻不難尋找。新世界百貨（825）去年6月曾提出以每股2元私有化，但最終失敗而回，股價亦打回原形，跌至1.4元水平。
不過，集團近日股價靜靜起革命，昨日更創出一年新高，私有化熱潮固然係炒作催化劑，更重要是距離能夠重提私有化的日子，只有兩個多月，難怪惹來資金憧憬。母公司新世界發展（017）幾年前私有化新世界中國，第一次同樣遭遇滑鐵盧，第二次大幅加價始能成功，同一劇情能否在新百貨身上出現？好快會有結果！
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.finance.appledaily.com
