投資的天空：造淡有本難念經 - 張士佳
奧運深夜就會開幕，難怪「大市悶到暈，不如睇奧運」呢句說話，這兩天常掛在朋友嘴邊。有人會話︰「唔買貨，搵股沽空或買Put一樣得」。但一般投資者造淡渠道較少，就算玩輪玩期權，要有成交又唔太食價，嚟嚟去去都係啲大股，難免覺得無肉食。唔好見到不少個股跌到一仆一碌，就以為沽空股票好好做。當沽空成為市場習慣，要借貨就會有難度，有些行家反映一係唔夠貨借，一係就借貨成本太高，計埋條數唔係太化算。
香港股市如牛熊證、窩輪等衍生工具市場雖然已成熟，但既以國際金融中心自居，股票期權市場卻未合格，選擇唔夠多，或者差價闊令好多投資者卻步。大家都知撇除歐債問題，這兩年的主題其實是狙擊中國。明明睇淡某些個股，但由於產品所限而無法造淡，可想而知是多氣人。當然，筆者都見到交易所已增加了一點對象，但仍希望可以再加多兩錢肉緊，才可以吸納更多投資者參與港股市場。
至於組合方面，如期指今日跌穿18766，現時手上三隻股票好倉，越秀(123)、世茂(813)及麗豐(1125)將會全數市價平倉，以全淡倉應戰。
筆者客戶持有越秀及世茂
張士佳
寶來證券(香港)資產管理部董事
與曾卓鋒(寶來證券業務經理)聯合執筆(逢周三、五刊出)
上一則: 青心直說：新股靠平冇市場 - 胡孟青
下一則: 外幣兌港元
投資的天空 - 張士佳 舊文
