中環在線：陳南祿政治正確獨愛美心飯 - 李華華
查實華華好多行家朋友都愛幫襯can.teen，下次撞到Philip仲可以順便訪問幾句喎。
講開快餐、茶餐廳，聽講年薪兩千幾萬嘅恒隆地產(101)董事總經理陳南祿(Philip)，中午如果冇約人食晏傾生意，多數幫襯快餐店，邊間？梗係佢太太伍氏家族開嘅美心集團啦。
好女婿唔幫襯對手
Philip平日通常約人喺中環幾間「Members Only」嘅高級會所食晏，如果冇約人就會走去公司附近嘅can.teen買外賣，以前佢喺太古返工時會去海富中心嗰間，家就過條馬路去太子大廈嗰間。
Philip太太係美心太子女伍淑恩，佢幫襯美心集團嘅快餐店認真政治正確，如果俾人影到佢幫襯大乜乜、大物物就真係尷尬。聽講佢仲係自己排隊買，好少叫秘書代勞，都算係咁。好多高層以為自己係大人物，排隊買外賣咁拋頭露面嘅嘢，一定唔做。查實平日坐喺公司開會做嘢，行吓運動吓咪好囉。
上一則: 上市前掟錢搶侍應翠華月月派花紅 - 李華華
下一則: 中環在線蔡中虎：性格唔啱入局 - 李華華
中環在線 - 李華華 舊文
