青心直說：破位挾死鬼子佬 - 胡孟青
那管當下是典型牛市，抑或是虛火升市，總之短期後市似乎是需要?一?了。當然，從技術走勢、黃金比率計算，恒指升勢未盡，可以再去，亦肯定上周破二萬二，以指數計較之前一個星期的高位為高，技術上似乎仍然利好。
加碼沽空焗補倉
技術或圖表派在升市當中容易佔優，唔信邪者眼見大市升破兩萬二，仍然唔相信升市，只要大市守住21300/21800點範圍，唔排除大市仍會再上，最凶險反而應該係兩萬四，該水平係去年三頂阻力位，除非經濟形勢大好，樓市調控拜拜，否則真係唔容易過，有資金又如何！超買就是超買，況且我們要問的是，到底市場還有更多好消息嗎？
可以肯定，內地經濟見底後製造的憧憬效應，繼而引發的資金市，爆炸力可以很強，並可維持一段時間。惟從幾個統計數字顯示，港股及中資股上周雖再錄得淨資金流入，但論規模而言，兩者均已見減少。
以中資股為例，流入資金大約6億多美元，按周其實減少了超過三成。近日市場盤路混亂，既炒周期股，又炒傳統藍籌，就好像雞犬皆升一樣，問過幾位機構客戶銷售部主管，歐美資金原本加碼沽空，誰不知市況不跌反升，資金加數據更令大市火上加油，結果被逼補倉追貨，原來港股出現一場中港資金挾死鬼子佬大戶記！
包括MSCI的指數股在內，地產股表現比預期強，博彩股照升，連零售股亦加入升浪，似乎充斥外資基金追貨的手影。零售股更應一提，一時說炒十八大，心想其實兩者有何相幹？十八大要送大禮？一時說9月本港零售數字比預期強。對不起，無論銷售額或銷售量，9月數字其實環比下跌，珠寶鐘錶類別的銷售額及銷售量，按月分別跌6%及8%。
胡孟青
獨立股評人
上一則: 財智語陸：美股弱港股可免疫 - 陳永陸
下一則: 一名經人：何黨勝選無礙美元 - 羅家聰
青心直說 - 胡孟青 舊文
