投資的天空：好友突襲非難事 - 張士佳
上周三大升後，期指已在22200至22400點區間行了四個交易日，這四日有個共通點，就是高位永遠比前一日高出少少，但始終無法陽燭高收。正路計應該是尋頂格局，出現調整的味道逐漸滲出。尤其昨日個股一改之前不理大市沉寂，自行上升的趨勢，下跌股份較上升多出150家。內房、天然氣、油氣設備等近期明星板塊均顯疲態，似乎有部份投資者已開始套利準備放假。
當然，一日半日唔可以作準，市場風險胃納仍高，金管局亦須不斷向市場注資，資金繼續流入。在此背景下，好友要再發動如上周三的突襲其實唔難，所以之前都話最好炒股不炒市，皆因大市短線走勢實在難估。根據過往經驗，突襲式爆上之後，通常都要整固，但往後是再向上或是先行調整則唔明確，與其靠估，不如趁板塊輪動時，嘗試捕捉異動股。
近日市場開始追落後，強勢股如內房、燃氣等則有套利壓力，並非話佢?唔好，只係如果之前冇買呢堆股，最好等多陣，望佢調整多些少才吸納。如打算短線炒作，暫時都係搵一些落後板塊，吼佢有異動時搭一轉順風車就算。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：國浩用牛刀殺雞？ - 胡孟青
下一則: Follow Me：海油化學目標6.03元 - 高彰坡
投資的天空 - 張士佳 舊文
