中環在線：祿哥要買新馬仔改名「賣得曬」啦！ - 李華華
■陳南祿(左)作為陳啟宗(右)頭馬，改馬名幫公司?個好意頭，老闆實錫曬你啦。
恒隆地產(101)董事總經理陳南祿準備買新馬仔！祿哥另一個身份係馬會大董，有馬跑?日子，好容易?馬場碰見佢。早排聽佢講，佢隻「時時有機」應該跑埋今季就會退役，佢打算買番隻新馬，雖然未落實買邊隻馬，但佢已經度緊個馬名。
只拉過三次頭馬
唔怕得罪講句，祿哥?馬主運睇來麻麻?，第一匹馬「有機可乘」一場賽事都未跑過，就因為健康問題而提早退役。𠵱家跑緊呢隻「時時有機」，08年第一次出賽就贏出，可惜之後表現一般，至今只係拉過三次頭馬，舊年至今未贏過，最叻都係跑第二，所以話呢隻馬跑埋今季退役真係唔多出奇。
祿哥講，佢?緊都打算?南半球搵馬，咁即係唔係澳洲就係紐西蘭，睇番資料，「時時有機」同「有機可乘」都係來自紐西蘭。佢唔打算親自去揀馬，諗住將呢個重任交畀練馬師，指練馬師知道佢?心水同喜好喎。
■「時時有機」對上一次贏頭馬已經係2011年6月?事喇。
■幾曬都好，老婆(右)同個囡(中)都肯陪你睇馬，好溫馨?！
雖然未必親自揀馬，但馬名點都要自己度。祿哥之前?國泰航空(293)返工，諗親馬名都同飛機有關，𠵱家轉行做地產，馬名應該有番個「地」、「產」、「樓」字先似樣?，有人提議佢用「遍地商機」，咁就有「地」又有「機」。
其實使乜煩，一於叫隻新馬做「賣得曬」啦，佢老闆陳啟宗上星期先至講，恒隆?住1400個單位，並非唔想賣，而係賣唔出，一諗住拎幾百個出來賣就遇上歐債危機或者係政府出招。為老闆著想，一於諗諗佢，「有樓可買」、「賣得出」都幾好?。
李華華
mailto:LiWaWa@AppleDaily.com
上一則: 富力銷售額按年大增逾倍
下一則: 中環在線：耀才老闆派錢450萬賞員工 - 李華華
中環在線 - 李華華 舊文
