魚樂無窮：逆市奇葩是如何煉成
■董觀明任主席的時計寶，月初發盈喜，昨日逆市破位，月底放榜前應有一番好風光。資料圖片
fb專頁post?六合彩又冇人中?news，結果呃到過千page views，證明六合彩係香港人其中一個核心價值。今次頭獎彩金預計達1.5億銀，多到連屈機式大包圍都隨時有錢贏，如果再多一兩期冇人中，話唔定會有職業賭徒付諸行動。
時計寶業績正派息佳
港股重插近500點，藍籌股幾乎全軍覆沒，調整藉口包括內地放水由鬆變緊、美國加息憂慮重燃、阿里巴巴估值偏低、iPhone頭啖湯獨欠強國、大行唱淡濠賭股等，屬難得一次有咁多原因?跌市。前輩教落，大跌市做到逆市奇葩不外乎三類股份︰1.妖股2.消息股3.避險股。第一類唔使多講，皆因上落由莊家話事。第二類就係噚日推介?萬威(167)，單日炒高24%後突然停賽，執筆之時仍未見詳細通告，有進一步消息再同戰友跟進。第三類顧名思義，就係資金避險之選，今日推介?時計寶(2033)，業績正、派息佳、圖表靚，屬正宗避險股。
講業績，時計寶月初發盈喜，受惠電子商務業務騰飛及毛利率增長，預期截至6月底止全年盈利增長起碼四成，保守估計今年賺3億銀，市盈率將降至10倍，以其打正旗號搞電貿及受惠反貪概念，絕得係平霸之選。講派息，最近12個月共派息7仙，現價息率逼近五厘，去邊度搵？仲未計今年增加派息?可能性。講圖表，7月以來營造杯柄走勢，噚日一棍破位，距離上市新高1.54元一步之遙，月底放榜前應有一番好風光。
唐牛
https://www.facebook.com/tongcow88
唐牛
魚樂無窮 - 唐牛 舊文
