中環在線：阿信屋老闆打懷舊牌
形容送貨似打電話叫火水
■林偉駿噚日話，自己搞阿信屋係「順住個天去行」。楊觀賜攝 
要講近年?商界奇蹟，CEC國際(759)旗下阿信屋老闆林偉駿肯定係其中之一。佢噚日應香港總商會邀請分享營商之道，話自己原本只係廠佬一名，「順住個天去行」先會行到今日，繼賣零食、家品、開麵店，佢?緊仲會自組車隊，下月推出送貨服務，佢仲將送貨形容到好似六、七十年代打電話叫火水咁普通，幾咁懷舊。
希望即日訂貨即日送
林偉駿指，由2010年開第一間阿信屋，到今日有210間分店，一切都係為夥計謀出路。事關2008年?陣，經濟不景氣，令廠房規模大減，內地員工總數由1.6萬人銳減至4,000人，本港人手都一定要跟住減。
「就咁遣散佢?好容易，但留?到?人點諗呢？」佢話一切都唔係偶然，係諗?好耐?離場計劃，希望幫到班夥計轉型。
?呢個背景下搞阿信屋，做到今日規模，佢話都係有?幸運。「?陣供應商唔畀貨，冇汽水冇奶，咁?得咁橋，先引起咁多人關注，我先開始搵水貨」。再遇上日本311大地震，佢把握時機取得日本供應商信任，加快腳步搵舖，第一年就開到60間。
?家人人講網購，阿信屋亦會自組車隊，配合網購服務，10月中開始有得送貨。阿信屋計劃今年先?九龍灣、將軍澳、葵湧同馬鞍山提供送貨服務，每區設兩部貨Van，另加4至5名人手。林老闆希望做到即日訂即日送貨，「最遲都第二朝送到囉」。
對於未必識得上網?長者、師奶或阿叔，林偉駿亦照顧到，話「佢?唔識網購可以打電話落單，滿300蚊就送貨，好似六、七十年代打電話叫火水?形式」。
網購?話，就只得柴米酒鹽同埋日常用品可以買。阿信屋稍後亦會推出手機app?。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
