趣BLOGBLOG：
「唔使急最緊要快」的哲學
■在ifc Apple Store用iMac訂iPhone，可以令你快人一步、理想達到。資料圖片 
「唔使急，最緊要快」是前同事Wisery的口頭禪，頭幾次聽落去，的確有些不知所以，以為純粹開玩笑性質，但久而久之，卻有另一番感受，並非如大家心目中如斯「廢話」。上周遭遇兩件事，更印證這七個字老闆級金句的可愛處。
ifc訂iPhone快人一步
9.12下午三點，iPhone接受網上預訂，全城為iPhone停低所有工作，甚至股市也停了下來，事關個個炒iPhone唔炒股。
與經紀A兩點食完lunch，準備分道揚鑣之際，經紀A笑笑口拉住我入去ifc Apple Retail Store，話要準備落盤炒即日鮮。
所謂落盤，就是落iPhone預訂盤，股榮被勾起興趣，問一定得嗎？經紀A寸嘴話，「唔使急，打陣機睇嚇片先，總之要霸住部iMac，三點不放手，三皮就到手」。兩點五十五分，經紀A落指令，?張信用卡出來standby，「等陣load到入去，填form要快，揀兩部金色128GB6 Plus，張卡要有萬六蚊credit。」
踏入三點，ifc Apple Store變成股票行，環顧四周，個個散戶對住iMac，上Apple Store落盤訂iPhone。沒有lag機、loading超順暢，三分鐘後，iMac上已出現「感謝你」三個大字，經紀A拍一拍我膊頭，說走啦，後面他的兩位同事已緊接埋位「落盤」。
走出Retail Store，感覺仍如發夢般。經紀A知我心裏的謎團，「睇過Michael Lewis的《Flash Boys》嗎？美國一班地盤佬，投資24億元鋪光纖線，目的就是進行高頻交易，讓炒家的買賣指令以最快速度傳送到交易所。」
快幾多？千分之三秒。花24億元快千分之三秒，你會說他們是?的嗎，但事實卻是有高頻公司在過去五年1,238個交易日中，只有一日輸錢，過去一年純利超過14億元。
經紀A繼續爆，知道點解大行、證券行鍾意租ifc，就係條光纖快過人，落盤就算快人千分之一秒到港交所終端機，都叫有著數。「?最快?ifc Apple Store都訂唔到，其他地方會比直線更快嗎？」
諗橋用科技突破局限
另一個急唔代表快的例子，就是連希特拉都取消唔到的電訊商。相信大家總有經驗，打電話上去銀行、電訊公司及其他服務機構，查詢取消合約要事。最可惡的是按完又按，最後也是徒勞無功，我都係想直接聯絡客戶服務主任，點解咁難接通呢？
最後透過朋友，知道客戶服務直線，其實只是在原有電話上，快速按七組數字，就能直通專員，而非較早前打了近一個鐘、聽了半小時的音樂然後被cut線。
「唔使急，最緊要快」背後的潛台詞，就是要你諗橋偷時間之餘，卻做得更好、更有效率。下次老細叫你「唔使急最緊要快」，與其嘴藐藐不屑，不如想想如何利用科技等，突破現有局限，勝人一籌。
股榮
http://www.facebook.com/stockwing1
股榮
趣BlogBlog - 股榮 舊文
