摸魚手劄：不諳黨性，就不諳中國經濟
■近期提起中國經濟，都自不免要提「權威人士」的L型經濟論。
看了差不多兩個星期，講中國經濟，都自不免要提「權威人士」的L型經濟論。像我這一輩人，總算成長在有典章制度和自由環境之中（雖然腐化當中），我係睇唔透到底發生甚麼事，因為官方要交代自己對經濟
政策的睇法同方針係有更合適的公開渠道，用不著搬甚麼權威人士說三道四。都係黨爭黨性惹的禍，黨性唔係一個有說服力的社會科學概念，但切實地發生在大陸身上。也許，當有朝一日，我地在香港見到左王邵善波公開批評曾俊華或陳德霖時，我哋就會貼身體驗大陸越俎代庖的處事方式。
到底這位「權威人士」係乜水？主流的睇法係劉鶴，亦即係習近平首席經濟智囊，現為中共中央財經領導小組辦公室主任，也是發改委副主任。在1940年代，毛澤東在《人民日報》就曾以「權威人士」掩飾身份批評蔣介石，當然歷史是勝者為王，蔣介石敗走台灣之後，就不必再權威人士了，可以直用本名開拖。劉鶴的角色參與唔重要，因為佢頂多都係文膽同人頭，最重要是他代表著邊路人馬的意見，不過用得「權威人士」，可能權力未牢固，惟有借名搞三搞四，而唔開本名。
權威人士的文章係攻擊李克強的經濟政策，國務院轄下中國政府網一連出了多篇文章反擊。分析指中國政府網是李克強系統，所以事情演變成習李間的筆戰。其中一篇「我國經濟實現了運行平穩、結構優化、民生改善的較好開局」係一篇好有共產黨特色的「飛機文」，非常自吹自擂，摘去那些冗長無謂的字句，還是看得到李克強的經濟重點，佢係偏向要減少舊經濟的工業產出，換去押注新經濟，因為佢相信新經濟搞得起來，會係中國經濟的新出路。呢一點，同權威人士強調供給側改革的「去產能」、「去庫存」係一致的。
其實權威人士同李克強的經濟方針唔係好有分歧，權威人士強調的供給側改革係supply side；李克強經濟學重點係demand side，本質上各有各做，無大衝突，而且李克強經濟學同供給側改革中都有提到「去槓桿化」這點，至少大家係有意見相同的地方。再睇返中國政府網那篇「飛機文」，都係肯定供給側改革的方向。經濟上面的分歧未必咁大，咁點解要搬上枱面鬧交筆戰？今次可能係項莊舞劍，志在沛公，主要搞政治鬥爭，由此可見大陸黨爭真係好複雜和好嚴重，而李克強現在的處境係相當被動。一切，最根本的問題都係黨性黨爭的問題。
渾水
http://www.facebook.com/muddydirtywater
渾水
摸魚手札 - 渾水 舊文
來源 source: http://hk.apple.nextmedia.com
