智取大市：港股企穩買神華
■若港股喘定，神華有條件做下一隻強勢藍籌。 資料圖片
港股近期走勢同心目中劇本有點兒出入，形勢由利好變成不明，破頂機率減低咗少少，但唔代表冇機會，暫時睇破頂機會仍然高過五成。
正如之前提及，金融海嘯後，每次恒指9周RSI升至75樓上，第一個調整出現過後，仲有
下一次破頂機會。股市一鼓作氣升超過4,000點，證明動力夠強，然後單日大跌800點，其後步入上落市而非延續跌勢，起碼反映市場情緒仍夠冷靜，等到催化劑嘅話，可以博其快速破頂。
能見度略為降低之下，最重要就係適當控制注碼，手揸弱股就減啲。如果閣下有揸住騰訊（700），情況當然好啲，拉番勻倉位冇輸蝕，就能夠有更大嘅且戰且走空間，證明選股選得好，永遠都重要。
最近市傳神華（1088）獲批增產，喺其他中小型競爭對手焗住減產之際，神華可以擴大埋市佔率，卸下淘汰落後產能嘅重任，對於神華嚟講真係如虎添翼，假若行業回穩，仲唔玩曬？增產消息傳出當日，神華以大陽燭上升，差一步就破頂。如果港股喘定嘅話，神華有條件做下一隻強勢藍籌。至於中煤（1898）同樣轉強，守住日線保歷加通道中軸然後呈慢升格，一樣靚仔，同樣值得吼。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
