智取大市：
升得急又完得快
■市場變臉的速度快到估唔到，投資者要學懂掌握接火棒嘅時間。 資料圖片
近期有個怪現象，2017年首個交易日，氣氛仍然非常頹，突然青姐發4萬點偉論，跟住曾教授再預言港股可能升到你唔信，市場突然間由萬念俱灰，一兩日間變到希望在人間，變臉快到估唔到。
日本漫畫《L
iar Game》有段情節，主角同對手玩「多數服從少數」遊戲，參與者設法令自己成為遊戲嘅少數贏家，不惜講大話、諗盡辦法令其他人成為多數者。芸芸股市參與者裏面，喺imperfect information下，估多數者企喺邊一邊，然後令自己成為少數，講就容易，完美做到幾乎冇可能。只不過，當股市由低位開始升，好友原本係少數者，慢慢就會成為多數者，從投資心理方面，要學懂如何掌握接火棒嘅時間，不妨search番隔籬鄰舍八十後投機客喺本報以《賭徒在左，炒家在右》為題嘅好文。
至於今次，好友由少數變成多數嘅速度會比想像中快，所以港股升嘅速度亦會比想像中急，短線升浪會比想像中完得更早。維持原先預期，23000點係舊年8月延伸到𠵱家嘅平台阻力位，因此升近23000點，寧願減倉去觀察指數有冇能力突破，見到23000點突破再企得穩，先再建倉，策略改為短炒二三線股。太航（2343）噚日醞釀旗形突破，少少成交已推得鬱第一棍，現跟進仲未遲。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
