亮說亮話 - 湯文亮 2018年12月18日
亮說亮話：一Q清枱與一Q清袋 - 湯文亮
像凱滙這些大型樓盤，物業代理通常會非常落力，希望在第一輪銷售能夠做到一Q清枱。 資料圖片 適中字型 較大字型
當我寫文關於新樓銷售，大多數是會用一Q清枱，但有時候因應不同情況，會用上一Q清袋，例如地產商推出的高成數按揭，以及鼓吹父幹，其作用是一Q清了買家的袋。不過，當我寫一Q清袋，不時會被人修正為一Q清枱，我自少就鍾意打「士碌架」，怎會不知道兩者的分別，一Q清枱我亦試得多，但從未試過147度的一Q清枱，而打「士碌架」通常都會涉及賭博，參與的人都希望清了對方的袋。
在凱滙一Q清枱之後，有老友問點解凱滙與其他小型地產商樓盤有咁大分別，不少新樓盤要賣五成都很艱難，老友唔明白，這是「一Q清枱」與「一Q清袋」的分別，一般小型地產商只能夠推出單幢式或者只有三四百個單位的新樓盤，就算可以做到一Q清枱，在短時間內很難繼續有單位推出，一Q清枱就變成一Q清袋，就算仍然有購買力都沒有用。物業代理當然知道這個情況，他們不會落力做那些樓盤，如果不減價，只會叫地產商慢慢賣，一定可以賣得曬。
至於好似凱滙那些大型樓盤，物業代理就會非常落力，希望在第一輪做到一Q清枱，地產商會加推應市，吸盡市場上的購買力，物業代理就可以多做生意。從今次凱滙開售做到一Q清枱，信置（083）立刻加推300幾個單位來看，物業代理的策略是成功，如果大家明白「一Q清枱」與「一Q清袋」的分別，就不會話物業代理厚此簿彼，只做大樓盤唔做細盤。
湯文亮
jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com
