Can Bank - 散子 2019年8月13日
【Can Bank】林鄭的經濟海嘯 - 散子
林鄭發表經濟海嘯論，係打算用經濟政策海嘯式蓋過政治訴求，準備大打經濟牌。 資料圖片 適中字型 較大字型
林鄭上個星期見記者，送上四個字：「經濟海嘯」。從經濟數據睇，就未見到有咩海嘯，至於經濟不明朗因素，近期各區示威行動的確對零售有影響，不過未夠三個月，就可以令到經濟衰退，林鄭政府似乎太睇得起示威者。
至於英國脫歐，本港直接從事歐洲之間貿易既公司少之又少，脫歐心理大過實質；至於中美貿易戰，影響較大，但時好時壞情況由去年已經開始。林鄭在股市只微調2,000點之後就宣佈經濟海嘯已經出現，除非收到內幕消息，中或美準備宣佈談判破裂，否則都係言之尚早。
林鄭喺呢個時候發表經濟海嘯論，說穿了就係打算用經濟政策海嘯式蓋過政治訴求，準備大打經濟牌。加上中央「協調」各大企業，地產商又好，航空公司都好，亦連環跪低，代表政府已實際地出招分化港人。
林鄭在英殖時期受教育長大，到今日都仍然不明白示威者點解有咁多人支持，點解咁多和理非會支持勇武？咁多年來，香港人有咩時候支持過暴力？但近兩三個月，警察濫權、濫捕，甚至與黑社會有撇不清的關係，開記者會又無合理解釋，運動已經由包圍立法會到包圍各區警署，但這種不對等暴力卻有增無減，正是林鄭多次無法成功分化的原因。
散子
http://fb.com/ 散子-257101397966975
Can Bank - 散子 舊文
來源 source: http://hk.finance.appledaily.com
