趣BlogBlog - 股榮 2019年12月22日
【趣BLOG BLOG】兩成人「中六合彩」甩底唔要 - 股榮
適中字型 較大字型
新一期居屋正進行揀樓，收到兩位網友查詢，抽到前籌將揀樓，但眼見抗爭運動令市況膠著，擔心上錯車。
新居屋早前共收到30.9萬份申請，以今期共推售4,871個五二折單位（連同重售共4,904個單位），超額認購約62倍，中籤率低於1.6%。如果以綠白表分開計，綠表及白表申請分別收到4.7萬份及26.2萬份，以今期單位五五之分，綠表及白表中籤率分別為5.2%及0.9%。
如此低中籤率、高折扣率，更何況今期多個居屋位處交通方便地段，但出乎意料地，首兩星期房委會安排900人進行揀樓，只有712人出席並揀選心水盤，即有近200人甩底，缺席率高達兩成。
放棄揀樓，原因很多。但如果只是擔心短期樓市回調而放棄，恐怕平白浪費一個上車機會，此生上車亦恐怕無望，是次新居屋加入更嚴格限售規定，業主於買入後起計10年內，禁止以補地價方式於公開市場轉售單位。未補地價的單位業主，可由第3年起自行議定價格，售予白居二及綠表申請者。表面上，這是杜絕短炒買賣的行動，但實際是焗住買家長期持有，十年後補價或以未補價出售，回報不會較私樓遜色。
新居屋去貨快慢與升值潛力掛鈎，六個新居屋屋苑短短半個月內，以何文田冠德苑沽出近七成（見表）最快，然後是長沙灣凱德苑沽出14%，其餘四個屋苑一成亦未賣走。數字代表了所謂的資助房屋，說到底亦是另類投資行為，在升值潛力、位置「大過天」的客觀形勢下，頭一批新居屋準買家，是沒有放棄的理由。而隨住較佳質素屋苑及單位沽清，未來放棄比率及甩底率亦隨之增加，他們總會相信，今次唔揀，下次仲可以揀，這不是錯，問題仍是機會率。今次中了六合彩，下次當然有機會再中，只是大家覺得天上掉餡餅，每次都會落在你的頭上嗎？
本欄多次提到，置業是一項長達廿年、三十年的投資行動，如果只著眼當前價格波動，注定是失敗。笑到最後的，不是目前有購買力（buying power），而是未來有防守力（holding power）。五二折居屋已為樓價下跌提供很大緩衝，有得揀唔揀，猶如放棄一張六合彩期票。
股榮
http://fb.com/stockwing1
趣BlogBlog - 股榮 舊文
來源 source: http://hk.entertainment.appledaily.com
