士佳說 - 張士佳 2020年11月25日
【#士佳說 】張士佳：上試高位，要看能否成功
【#士佳說 】張士佳：上試高位，要看能否成功
前聯儲局主席耶倫好大機會出任新財長，大家都記得她主政時，美國大多行低利息，週街平錢，股市著數。而特朗普承認拜登團隊過渡交接工作可以展開﹔美國準備最快在下月中為民眾接種疫苗，都令美股向上。港股方面，恆指反而向上動力不足，只是徘徊。外圍的多重利好，應該能打破港股這兩個星期十字路口既格局，今日應該畀條件向上挑戰26700的關口；當然，月尾能否高收仍是未知數。
另一矚目既係港交所 #388，最近上堂我都同學生講會重新關注佢，聽講話新的施政報告將有惠港金融措施，就是擴大「互聯互通」計劃。其實早兩個多月前就特意拍片跟大家分享過，這才是港交所利好的重要一步，更多資金參與交投，昨日亦有跟進。而第二上市的阿里、網易、京東都是國內響噹噹的品牌，只係前者受政策影較大。科技指數中，#9988阿里巴巴、#9618京東、#9999網易都係第二上市股份，單是這三股已佔科指兩成佔比，未來預計將有更多中概股回港第二上市並納入科指，預計將會引入大量北水吸納，中長線利好港股及成交。各方投資者都期待今日388能否挑戰400蚊大關。而第二上市之中，我有京東在手，先前沽住BABA黎揸京東，走咗BABA淡倉之後，爸爸升咗兩個上昇裂口十幾巴仙，昨收市我故技重施，這次行動屬試探性質，如果此兩股今日陽穿昨日高位，我看成科技股最壞時刻已經過去。
另一隻科技股#1810小米昨日如言食半，收市後公布業績，上季收入、盈利創歷史新高，乜都勝預期。不過公司提到預計面臨零部件供應短缺挑戰，甚至可能持續至明年，這個其實對小米都幾傷，特別是華為及榮耀手機仍在禁令中，小米蠶食市場份額的盤算或會受阻，剩低嗰半，今日走埋佢。
電動車及太陽能繼續是焦點所在，其中電動車Tesla而香港龍頭#1211比亞迪昨天如預期突破了210港元大關。汽車股#175吉利，#2333長城，#2238廣汽都集體高開，但其後逐步回落，我哋很早就有走位，搵咗啲著數，但就將啲著數俾返廣汽，即日止埋，睇嚟新造汽車這板塊可能開始有震蕩，我繼續持有上面三隻，控制注碼就算，不過安全帶梗係要帶好囉。美股的小新能源汽車股亦係喺高位震盪，坐呢啲股要綁緊安全帶先至好，我暫時就覺得風險同利潤不成正比，安全帶未必頂得住，所以我昨日都講只係揸TSLA，尋晚就好生性其他跌，佢升6巴仙，elon musk預告，數日內推全自動駕駛測試版本電車，都是很吸睛，亦為行業再帶來一個新高標準。
憧憬拜登上台後會重新加入巴黎氣候協定及習主席講一講，細價潔淨能源股大爆，#712卡姆丹克太陽能升160%，我錯過左，手上祇有協鑫新能源#451，#3800保利協鑫，昨日亦都食咗一半，呢啲細價股上落仲得人驚過上面講嘅新能源汽車，每每都係急急升暴暴跌，難得上咗車，食半甚至食七成淨低放紙鳶就算，太過高追就無謂了。
今日又要講講有色金屬，尋日講三隻手上持股#2899紫金、#1208五礦、#1378宏橋，我食了頭兩隻，就係怕有抽水動作，留返一隻#1378，點知尋晚呢隻就抽水，時也命也，今日低開唔反彈就食咗算。另，昨日同學向我問兩隻股#853及#1302，前者我未有興趣，後者幅圖好靚，入些試下睇短線，跟住收市就話高瓴入股，似乎醫療器材版塊可以重新審視，做功課啫，利申呢個板塊我暫時得呢一隻。
最後講講5G，#763中興通訊升逾7%領漲5G概念，工信部強調大力推動5G+工業互聯網融合發展，相信一直被壓制的5G中國通訊業已走出谷底，留意#941中移動及#2342京信通信的股價開始反彈，呢啲股蟹貨重重，未係我杯茶，反而大多數芯片將價格提昇，刺激了芯片股，＃1347華虹調一調再破頂的話，可再次關注。
士佳說 - 張士佳 舊文
來源 source: http://skycheung.weebly.com
