創業起義｜若是真想香港好 抗疫應該如何做？（尹思哲）
醜婦終須見家翁，香港人要打中國疫苖，政府終於出稿證實咗。作為代理人，政府用納稅人金錢買疫苖，正常嘅邏輯，就梗係要兼顧市民意願。但到咗今時今日，同政府仲講邏輯，比朋友知都怕會俾人笑。
相比起前宗主國，係全球第一個國家，採購並推行用
美國疫苖，亦即正版輝端疫苗，反而唔係自家牛津疫苖，感覺上當然信心大好多。但最諷刺嘅係，英國至少有兩成人，或者深信自然療法啦，表示啲疫苗，無論如何都唔會接種。相反，香港地個個防疫意識高漲，就因為信唔過中國貨，亦都堅決唔會接種。諗落真係吹到啤一聲。
再講，最有效嘅疫苖，亦要全民大部分人接種，而隻病毒之後唔再變種，咁至係真正安全。即係話，香港距離真正安全抗疫成功，尚有一大段距離。若真心想香港好，疫情早日消失，梗係採購美國疫苗啦，因為對香港市民而言，認受性同信心都大啲。無奈嘅係，政府經已去到一個地步，大家都心知肚明，好聽嘅意見，難聽嘅批評，其實大家講咩，通通都唔會有用。
舉個例，袁國勇教授，喺沙士之後，後尾出現H5N1，佢一直至今時今日，仍然堅持發聲，呼籲香港要棄絕活家禽。當年佢講到明，全世界已發展國家，係禽流感威脅底下，根本唔會再容許活雞存在於濕貨市場。換言之，只有發展中國家至會咁難禁止活雞，而香港到今天仲未成事，絕對係個例外。科學家溫和嘅、善意嘅意見，政府係聽唔入耳。
換轉難聽嘅、直接嘅批評同質詢，自然係更加容不下。最近連新聞記者，喺記者會用「武漢肺炎」提問，都有機會被人逐離場，遲下唔知會唔會犯埋國安法呢？
喺呢個時代之下，言論自由不保到一個地步，唔淨止香港，就算去到在西方，似乎人人都有投票權嘅、憲法話到明要保障言論自由嘅美國，亦都會出現一啲非常荒謬嘅事情。Fb可以隨意移除討論群組，不在話下，YouTube更加明目張膽，竟然宣佈，但凡聲稱美國選舉有舞弊的新影片，未來將一律下架，理由係YouTube經已確認，候選人拜登有足夠勝選州份，當選為下一任美國總統。
未來有沒有機會，YouTube否因應「正名」需要，將使用「武漢肺炎」而非「新冠肺炎」的影片下架呢？諷刺嘅係，Fb或者YouTube之所以有今日規模，無非當初網民信任使用，貢獻自己寶貴數據。當然，你大可以話，以上科技平台無收錢，用戶食得咸魚抵得渴，等價交換又好，遇人不淑又好，到平台坐大收割嘅今日，大家基本都無可奈何。
凡事都有代價，免費往往係最昂貴，不如趁早貨金用MeWe好過。
尹思哲
http://linkedin.com/in/wanszezit
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
創業起義 - 尹思哲 舊文
來源 source: http://hk.news.appledaily.com
