智取大市｜再吼優質家電股（晉佳）
目前納指沿住5天線慢升，道指亦破頂，明顯向住另一次超買短期升浪進發。上月下旬美銀美林嘅報告顯示，基金經理持現金比例由4.4%降至4.1%，估計目前會再低，成為一個中長線牛市超買形勢。
如果按返9月大調整前嘅美股作對比，再升多一至兩星期會遇上新一輪調整，
而更肯定嘅係，呢浸短期升浪升得越持久，之後嘅跌市會更厲害。呢一刻無法預知高位，可行做法係高位逐步減持，手持股份升到突破保歷加中軸兼大幅拋離5天線作為食糊位，獲利換馬一路縮注。
港股方面，家電股又嚟到可以吸納嘅時候，始終智能家居係最入門嘅AI應用之一，未來透過科技升級，中長線會刺激家電銷售，優質家電股可以長線保持大漲小回，尤其喺優質股天價嘅環境之下，家電股相比絕對唔覺得貴。JS環球生活（1691）高位橫行近3個月，似醞釀破頂。至於海信家電（921）由高位回吐近兩成，連日喺11.7元回穩，成交縮小，有機會進入下一浸升浪。
海信10月28日公佈季度業績，第三季收入升七成，扣除非經常性項目後盈利升97%，已經完全擺脫疫情拖累，股價由10元起步升到14元左右再調整，目前調整幅度剛好一半。今年市盈率大約12倍左右，來年喺冇疫情拖累下理應有盈利增長，智能家電概念未反映喺估值之上，係值得持有嘅港股之一。
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
智取大市 - 晉佳 舊文
來源 source: http://hk.news.appledaily.com
