士佳說 - 張士佳 2021年2月25日
【#士佳說 】張士佳：風再起時，後會有期
【#士佳說 】張士佳：風再起時，後會有期
全球市場其實都很脆弱，前晚美股還一度出現大跌，如果不是美聯儲主席Powell 出來講話，恐怕就已經很危險了。我早幾天睇淡新經濟，睇淡三媽股（北水大媽，方舟契媽，ELON MUSK），反較睇好舊經濟復甦股，大家應知道，前兩天我仍在炒上落市，但昨天不花不假，我做的就是重沽HTI港科技期貨，提點學員「新經小心」，挨近30021我先前提及的關鍵位，我也不出手補貨，結果港大市曾跌一千點，HTI更跌6%，我很早已經叫大家避開主流科技股，從圖表上看實在升得太多，很多投資者都睇錯叫救命時，我哋群組出現最多的就是“Thank You Sir!”
成件事大家都好清楚，前晚美股gap down 又 deep V，好友們早就心有餘悸，波叔再加一腳，昨日中午表示，決定提交法案調整股票印花稅稅率。其實疫情對一般整體經濟影響甚大，好多零售業嘅從業員或者個別行業好像運動教練等等都苦不堪言，股票交易在疫市做好，成交大升，劫富濟貧其實是俠義之為，只係關公災難，表達得太差啫。
增加30%的交易成本，如果年年都係大牛市，問題就不是太大。如果只是震盪市或是熊市，高印花稅稅率，整體市場的交易量肯定是會有影響的，尤其老美嗰邊不加反減，此消彼長，唔多唔少可能會導致政府收到的印花稅出現減少的情況。港股的主力購買力北水今日流出200億也表明了用腳投票. 創下2014年11月互聯互通開展以來最大單日淨流出紀錄。不過唔理市升市跌，若真能夠幫市民老百姓，令大家肉痛d都應該做嘅，好快就會唔記得咗。
港股市場的反應很直接，一路單邊下行，#388港交所業績對辦無助挽頹勢，大跌8.78% , 被拋售近40億, 曾經跌穿了500蚊大關。金屬及科技股同捱沽，#1208五礦資源和#358江西銅業大幅殺跌16%與12.8%，#1024快手及#3690美團北水沽得好狠各跌8.6%和6.9%。汽車股也是重災區#1211比亞迪繼續往下沉底，#1585雅迪控股及之前當炒的#3800保利協鑫都頂不住，資金大量流出。
市場藉政府派電子消費券，本地零售股炒上，#244先施升15.4%，#653卓悅及#178莎莎升6.1%至9.3%。相對較安全的還是疫情及經濟修復的方向，博彩類個股繼續表現穩定，航空業裏面的租賃類如#1848中國飛機租賃, #2588中銀航空租賃相當穩健。而香港本地地產股#0004九龍倉、#0001長和都逆市上升，我睇經濟復甦勢頭應該仍然會繼續，有買點＃178莎莎國際＆日本城。
其中逆市奇芭是#1177中生製藥獲淨買入2.61億港元。市場發現中生製藥入注科興利潤貢獻和疫苗資產被低估，其Sinovac的新冠疫苗應比Cansino等其他上市公司更使人放心。此外，公司與#9926康方生物-B共同開發的抗PD-1單抗藥物臨牀試驗中期分析，達到主要研究終點，大行調高其目標價由9.79港元上調至14.73港元, 我自己就先睇輾轉才到9.2左右。
美國債息上揚，其實已經對估值非常高的科技股極之不利，HTI科技指數昨天低見9201點. 再加上Catherine Wood契媽方舟投資ARK Invest之前是升市的風向標, 現在卻是後市的風險標，近期旗下組合開始急轉彎，沽售#700騰訊、 #1211比亞迪及台積電等亞洲股份，增持愛股Tesla及Twitter等。她管理的基金規模超過500億美元，若要向之前入手的港股開刀清倉，對個股影響不細，將會是風眼。
其實大家想一下，外資及契媽入二三線港股都係想避開美股調整啫，衣家美股整固調整後尤其是纳指就比較吸引，在港股風高浪急的市況下，美資基金先沽海外投資（我們香港也是對象），班師回朝是十分典型及正常的做法，之前已提醒契媽股的溢價超高，除了＃6060曾有參與，其他只炒過即日，尤其是曾被瘋狂炒上的二三線科技股高位勢危，或許是發出第一滴血的警號，對其後市仍應較審慎。
新年前後，北水日日買百幾二百億是日常事，有沒有留意到今個星期開始只有幾十億流入甚至賣出，昨天更淨流出200億元，看來北水你精我都唔呆，若是流出與流入呈相對稱，咁就仍有排走。北水買入大成交導致之前股市在狂升，要小心若北水有進一步撤退亦能令到股市再跌的可能。
執筆之時，美股反彈，但我對昨日的調整煞有介事，如美債息再上，股市仍會繼續殺估值，如果要搏反彈的身手要快, 或者之前走了貨減了磅的, 好小注儲下貨底便算。揀的都是以疫苗 NVAX, 疫情修復股，遊輪、航空、旅遊等, 如M Macy, CCL, BA, AAL。儲貨底的相信係大多人的心頭好股TSLA, AAPL, 畢竟Tesla 好耐冇見過六字頭了。而美國已公佈新屋銷售數據理想，令市場對復甦前景信心增加，道指尾段升幅擴大至472點，全日高見32009點；三大指數最終以貼近全日高位收市，其中道指創收市新高，但反彈唔係用來買，係等彈咁上下再減多些，港股狂升十幾日，我早已提大家要，避開主流股，伏擊變身股，現在變身股，就唔應該再炒了，因為變身股祇有市場資金氾濫嘅時候先至會出嚟趁下熱鬧，雖然講得好淡， 又不需要太悲觀，先控制好節奏調一調整，反而有利於市場的健康長遠發展。現在我估後市反彈，彈兩彈卻乏力，回試1月29日低位28039機會甚高，暫時未睇到佢穿唔穿，但跌完之後，會再展升浪，好多股票會實行我堂上教嘅再入市計畫，到時就係真正大茶飯嘅時候。
但呢啲都係後話了，回想在Sun channel提醒大家極度興奮之時出現的Outside bar，凝重地大幅減货，可能有人覺得我杞人憂天，但現在應該會發現升市中睇錯可以容易買番，反而跌市唔識睇就非常容易嘔凸之前盈利，原來股票市場不是要升市時賺得特別多，係要在跌市時輸得特別少，先至有子彈去食下個大茶飯。
寫到呢度，大家朝朝睇我寫野，有時甚至重溫，有些睇我寫野仲多過睇報紙，難得大家厚愛，非常感激，同你地傾幾句私人偈，過年前大家都知道我有D攰，日頭炒港股，夜晚炒美股，仲有教班，教學生，當時已透露想暫停「士佳說」一段日子，但係果時大市個股位高勢危，有叫曬人買呢隻買嗰隻冇理由帶咗大家上車走左一段，唔帶大家落返嚟就走咗去㗎，所以幾疲倦都死頂繼續，過年後兩日開始，出兩支古惑嘅Bar，再加上我其他嘅指標見到個市更唔妥，所以不停叫遠離主流股，情願伏擊一些非主流，（哈哈，我嘅利事股好似568山東墨龍及493國美，尋日仲升），整體嚟講現在都帶大家到咗安全嘅地方，就算閣下唔太聽話，尋日係輸，都應該輸少好多，我係時候功成身退，抖番下，後會有期，風再起時，您我再見。
臨行都交代一下＃3800，我喺sun channel夠膽講隨時見$2.5，你都應該知道我點睇，由$1.5買，2.45重注，高位食半走位元，尋日$2.4有撈返，都幾稱心，如再陰燭穿2.34的話，會全走暫離呢場賭局，等再入市機會才入番粉絲們唔使太擔心，第一牛市未完，第二我仍然會久不久喺Youtube的Sky財經天地頻道，拍下片，至於學生更唔使擔心，一切照舊，我都會長駐學生群組，同大家傾吓計，分享一下。
士佳說 - 張士佳 舊文
來源 source: http://skycheung.weebly.com
