如何睇樓市走勢
有老友話人講樓市，我講樓市，專家用M1、M2及國民生產總值來講，而筆者講到好似1加1咁簡單，老友話當然信專家，不過，有機會俾我講如何睇樓市走勢，當然要用最簡單的方法去講。
好彩老友叫我用最簡單的方法去講，否則我反而唔識講，筆者認為有三個方法睇樓市走勢，排第三是睇成交樓
宇的質素，不用理會價錢，如果質素非常好，樓市有機會作出斷崖式下跌，如果是很好，跌勢就比較緩和。如果質素不好，樓市有機會上升，如果成交樓宇的質素認真差，恭喜恭喜，樓市很快就會急升，理由是業主等錢用，在市況不好時只能賣出手上最好質素物業，如果市況澎湃，打算買樓的人，就算出價超過市價，都只能買到最差質素的物業。
排第二是睇成交量，如果成交海量，樓市上升的機會很大，雖然有人話未必，可能是業主大量出貨，這個現象在政府未推出辣招時還是有可能，在推出辣招之後，大部分業主只是持有一個自住單位，除非他們集體大幅減價，否則成交量就不會大幅增加。至於地產商當然可以劈價賣樓，但他們知道，劈價賣樓容易，但如果補回土地儲備才是困難，沒有新樓銷售稅，要地產商劈價賣樓就很難。
至於排第一是睇空置率，在2009年1月，環球金融海嘯之後，大家認為樓市會大跌，EAA請我去理工大學對住一班物業代理演講，給他們打打氣，我話不用打氣，當時我們公司的空置率是零，而零的啓示就是樓市將會急升。在演講時將意見講出來，但被一班資深物業代理笑到面黃，結果是2009年，樓市升了23%，在09年底，政府開始出招打壓樓市，我的意思是，當空置率低，樓市上升的機會是很大，反之亦然，吉樓處處，話樓市上升都冇人會相信。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 - 湯文亮 舊文
來源 source: http://www.am730.com.hk
