士佳說 - 張士佳 2021年5月20日
【#士佳說 】張士佳：升跌未分高下
【#士佳說 】張士佳：升跌未分高下
佛誕假期前，港期異常硬淨，但基金愛股ATMX一日未脫險，我都懷疑升勢的真偽，所以周二按勢應大舉出擊，我都是suggest勒住勒住，鐘意揸期指的，就要減貨，鐘意買貨的，但不要雙鼓齊下，少沾期指。至昨晚美股大散，港股仍算相對硬淨，但今日回來才見真章。如港股又能自己殺出條血路，陽燭升穿28528，我就會鬆手D，買多些少，否則若今天回來都係陰燭下跌，咁就都係正常發展，睇耐D先算，甚至趁高要食D糊，等真向上突破先加番注。
Powell同美國聯儲局超鴿立場，反而令市場開始擔心會走甩了通脹， 道指一度挫逾500點，反而納指跌不多中段開始V彈尾市更倒升，之前弱勢的科技股顯著有支持。佛誕假期焦點當然是加密貨幣全面暴瀉，觸發原因是中國人民銀行官方微信賬號上發出通知，指加密貨幣不是真實貨幣，不應也不能在市場上使用，中國金融及支付機構也不得使用虛擬貨幣為產品和服務定價。加上Tesla Elon musk 又話要環保不準許用Bitcoins 來買Tesla，市場紛紛套現，拖累比特幣昨天大插水，如果一直冇入場又夠膽相信bitcoin 做投資的，尼d價不妨一試，我就大部份coin都係做短線，BTC 6萬幾唔識食糊，五萬幾四萬幾我等技術派點會唔識食，尋晚三萬幾補番些。
至於長期持有的coin，筆者嘅長期捧場客或者大師兄大師姐輩嘅學生，都知道我一定有ada，呢隻野大上大落，今年升左40倍，有啲學生都見到我1.93食糊，而家落返1.44，睇定啲先再算了。
說回港股，五窮月已過了三分之二，港股短期會否向上突破仍是未知數，卻有輪動炒作圖利空間，相信主要受惠於周期性板塊如原材料、航運以至部分金融股有表現。
美歐兩大經濟體的和解，對經濟的修復是有好處的，期貨市場反響強烈，隔夜大宗商品反彈，COMEX期金上漲1.6%，報1867.6美元/盎司，觸及逾三個月高位，LME期銅上升1.3%，LME期鋁上升1.5%。國際油價下跌，但也反彈迅速。歐美以至中美在關稅上立場放軟，有助降低稅務成本，估計可令商品價格短期維持反覆偏好勢頭。#323馬鋼、#347鞍鋼、#358江西銅業、#2600中國鋁業等，#1378中國宏橋等都在高位虎視眈眈。
升得最兇猛的是#568山東墨龍，接近47%，我週一食咗，週二一有勢就買返，升的原因（藉口）就是兼具油氣設備和鋼鐵概念，鋼鐵這塊主要是擁有HIsmelt技術，這個技術不需要使用焦炭、燒結礦或球團爐料，只需要普通煤炭和低品位鐵礦，適合中國鐵礦石儲量較大但品位相對低的現狀。可以達到節能減排效果，同時符合碳中和政策，再加上二股東不斷的增持。是當前採礦及鋼鐵龍頭，後續可炒，至於可唔可以長揸，波幅咁大唔係咁容易。
今日最受關注的相信會是收市後的騰首季訊業績，非國際財務報告準則純利的預期中位，按年增長24.3%。可是，在去年的疫情下，騰訊的手遊收入爆升，在高基數下，今次的增長或可能只是個位數，有機會令大家嚇一跳。另外，在多次反壟斷調查下，對金融科技業務的前景指引也是大家關注的。
#1801信達生物發佈公告，美國食品藥品監督管理局已經正式受理公司和禮來公司製藥LLY.US共同合作研發的創新PD-1抑制劑藥物信迪利單抗注射液聯合培美曲塞和鉑類用於非鱗狀非小細胞肺癌一線治療的新藥上市申請。加上為入恆指大熱，強勢向上，破頂可待。
又一間醫藥企業家入醫美行業；#867康哲藥業 擬收購一家醫療美容聚焦超聲技術平臺公司；利用聚焦超聲技術提供醫療美容的研發生產。聚焦超聲技術是醫學美容的一種無創、綠色、安全的技術方法，是非侵入性塑身技術的創新技術之一。
近期醫美行業炙手可熱，我一個月前講嘅時候冇人講，而家開始又人云亦云，我就開始邊炒邊食，又係當日光伏翻版，我炒嘅時候大家睇下算，到大家睇好時，我已經走。
好多人問我嚟緊炒乜嘢板塊，手上有啲另類嘅，留返同學生吹下水，喺度講兩類大路d嘅，教育太難估，我先前得兩隻#6169同#1935嘉宏教育，率先創歷史新高，假期前加多咗只一模一樣嘅。另外，我比較鍾意醫療器材，先健微創穩穩陣陣，加呢兩隻就夠，好過比個大市chok來出chok去，更加好過我一直叫大家唔好買嘅ATM，不過去到呢一刻我唔會叫你再沽ATM了，近排NQ已經出現咗抗跌能力。
仲有仲有，1111復牌啦，五成溢價，發達記，肥仔喇。
士佳說 - 張士佳 舊文
來源 source: http://skycheung.weebly.com
