智取大市｜制度重創傳媒定港股？（晉佳）
6月17日，香港警方搜查蘋果日報社後解封現場。當日，香港警務處國家安全處拘捕5名壹傳媒高層，涉嫌“串謀勾結外國或境外勢力危害國家安全罪”。 中新社記者李志華攝
比起傳媒高層被捕嘅可怕，執法者回應記者嘅提問，同樣令人汗顏。
當傳媒被選擇性褫奪傳媒嘅
資格，由執法者去定義，然後話事件冇針對傳媒，只係針對「呢間公司」，然後再拋出一個新term：「正常嘅新聞機構」，究竟一間傳媒，點樣、幾時會變成唔係傳媒？條界係由執法者、某股神秘力量去定。外國投資者識睇英文，但未來要有英文嘅香港財經新聞睇，就要有賴執筆者嘅勇氣。
買股票要有勇氣承擔損失，但未來連資訊提供者都要付出勇氣，但唔代表提供資訊服務會出現溢價，久而久之就少咗有用資訊，損失，就係投資喺呢個市場嘅投資者。
執法者面對記者，未能向公眾披露處理邊一種文章會觸犯法例、邊一個身份會有機會被捕，白色恐怖自然限制言論，日後要問大行報告會唔會一樣，答案可能係：「入邊員工都要小心一啲，切勿唔好犯呢一個罪行，因為呢個係一個嚴重罪行。」
港股估值長期低迷，市賬率低至接近1倍，絕非環球主要金融市場嘅應有估值。美股、A股升，港股唔升；美股跌、或者A股跌，港股一定跟弱邊走，已經成為民間智慧，其中一個間接原因，係投資者對於呢個市場嘅制度信任程度，出現負面嘅改變。
呢個無形、間接嘅因素，往往唔會一日半日反映出嚟，而係慢慢每日弱啲、每日弱啲，不經不覺咁，就會形成同美股出現強大差距，呢個差距，係唔單止外資，同時亦係明眼嘅大陸投資者沽出來的。
https://www.instagram.com/guyyeung/
https://www.facebook.com/advanceguy1/
-----------------------------
蘋果App大升級 更簡潔更就手！了解更多（立即下載體驗）
-----------------------------
點擊即睇《Bitcoin投資入門手冊》
一書盡覽新手必讀資訊
-----------------------------
【全球樓行】 Dream House零距離
屬於香港人的移民攻略
智取大市 - 晉佳 舊文
來源 source: http://hk.news.appledaily.com
