士佳說 - 張士佳 2021年6月22日
【#士佳說 】張士佳：要學乖啦
【#士佳說 】張士佳：要學乖啦
市場對聯儲局收緊政策的憂慮暫時減退，美股道指周一報復式最多反彈逾600點，超跌的個別價值股是不錯的入市機會。而受美股拖累，亞太股市昨天全線報跌，日本股市最誇張，暴瀉近千點 ; 港股指昨低開後跌勢一度加劇，最多接近500點。其後A股轉升幸而跌幅縮窄，尋日我講唔可以收穿嘅28419 ，幸運地保住；夜期跟美股回升重上28561點，現時仍然困在28000點至29500點區間上落格局，暫時未能樂觀。
大市唔似樣，個股係另一個世界，手上好多股票好似升緊幾百點咁，首先上次sun channel 推的非凡中國＃8032 如入無人之境，尋日升到1.1 ，比上次做節目已經升咗三成，我開始逐步食，嗱！唔好話唔早講啦，係未升已經講㗎喇。仲有，#3998波司登周三公布業績，股份惹來投資者炒作，彈高6.6%，我會在業績前減磅先獲部分利潤。
汽車板塊繼續吹暖風，有建議延長新能源汽車購置稅減免政策。目前減免政策是到2022年年底，如果能繼續延期，會對龍頭三寶EV汽車行業繼續催化，我嘅1211／175同埋汽車零件，全部都升，1211 會食半，175 就26.x 食走下位，1211我買正股冇乜嘢，吉利我就係買call，call 一定要走在升緊之時，今日會食。
食開有條水，醫藥方面，最突出是#1530三生製藥及#2269藥明生物連續兩日新高位，二三月嘅時候，我上堂成日同大家講，話大跌市想買股，唔知買乜好？千祈唔好諗ATM，反而叫唔使諗合埋眼買＃2269藥明生物，轉眼呢幾日都已經破頂，記住仍續配股中，破頂之時食半留半，走位冇壞，不妨留意同系公司#2359藥明康德及#2126藥明巨諾股價都受到注視提振，藥明康德就醞釀上升破頂, 藥明巨諾就炒落後有較大上升空間。連續講會走幾隻，咁又唔係隻隻走位嘅，＃1530我就繼續抓住放紙鷂算。
亦唔係個個板塊都係可以買，有朋友問我金銀銅鉄石，我就覺得未係時候，等吓先，想撈底嘅，先前叫大家唔可以唔睇嘅新能源尋日都爆吖，＃6865/＃968尋日都有叫買，係隻＃916未升啫。
其實炒股只要有方法，真係唔難搵到好股，先前同大家講珠寶首飾，好多隻都升得好好，好多學生都知道我有買六福，英皇鐘錶珠寶炒一轉我就叫走，大福我揸住，連景福都炒埋，成個板塊都升，又係一早喺呢度提咗大家㗎。
咁又唔係隻隻中嘅，我睇好啲中藥，就坐緊艇，我有買5708742877， 係得2877睇緊，其餘兩隻再穿底就要走。
最後，寄語一句，我估醫美仲係好多人揸住，好多人都鍾意揸我先前買過賺嘅股，唔可以咁樣㗎，板塊要輪動，市場轉咁快，你就要跟住轉，醫美唔快㗎，都升咗好耐先至跌，應該一早食咗大半，如果真係未食，到呢啲位我就唔食住啦，炒番轉上去先啦，雖然目前唔係資金特別青睞嘅對象，記住，冇人講嘅時候我哋講就入去炒，到人人都講嘅時候就點都要食半啦，大家中過佢哋咁多招仲未學乖。
士佳說 - 張士佳 舊文
來源 source: http://skycheung.weebly.com
